السلام عليكم ورحمة الله وبركاته

الْحمدُ للهِ الحمدُ للهِ  الَّذِي هَـدَانَـا لِـطَرِيْـقـَةِ أهـْلِ الـسُّــنّـةِ وَالْـجَمـاَعَـةِ ,وَالَّـذِي وَافَـقَـنَـا بـِأَسْــبَـابِ الإِنــْـقـِيَـادِ وَالْإسْــتِـطَاعَـةِ ، أشْـهـدُ اَنْ لا اله الا الله وَحْدَهُ لا شَـرِيْكَ لَه ، وأشْـهَدُ أنَّ سيِّدَنا مُحمَّدًا عبـدُهُ وَرَسُـوْلُهُ تُـنْـجِى قـَائِـلَـهـا مِـنْ أَهْـوَالِ يـَوْمِ الْـقِـيــامَـةِ الْـقَــارِعـَـةِ  بـِالْـمَـغْـفِـرَةِ والـرَّحْمـَةِ الْـوَاسِــعَـةِ ، الّلهُـمَّ صَـلِّ وَسـلِّمْ على سَـيِّدِ نــا مُحَمَّـدٍ صَـاحِـبِ الْـوَسِـيْـلَـةِ وَالـدَّرَجـَةِ الْـعَــالِـيَـةِ الـَّرفِـيْــعَـةِ ، وعلى ألـِهِ وأصْــحـابِهِ و الَّـذِيـنَ يَـدْعـُونَ اِلىَ سَـبِـيْـلِ الـنَّـجـَاةِ فىِ الـدُّنـيَـا الى يـومِ الْـقـِيـامَـةِ الـْوَاقِــعَةِ ، أمَّــــــــا بعْـــــــــــدُ

 فَيـَا أيُّهاَ الإخْـوَانِ رَحِمَكُمُ اللهِ أُوْصِــْيكُم وَإِيَّايَ بِتَقْـوَى اللهِ لَعَلَّكُمْ تُـفْـلِـحُوْنَ ، وَقَدْ قَالَ اللهَ تَعَالَى فِي كِتَابِهِ الْكَرِيْمِ ، وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا وَاذْكُرُوا نِعْمَةَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَانًا وَكُنْتُمْ عَلَى شَفَا حُفْرَةٍ مِنَ النَّارِ فَأَنْقَذَكُمْ مِنْهَا كَذَلِكَ يُبَيِّنُ اللَّهُ لَكُمْ آَيَاتِهِ لَعَلَّكُمْ تَهْتَدُونَ [آل عمران/103]

Para Jamaah Shalat Jum’ah Ingkang Minulya

Mangga tansah sami netepi ajrih lan taqwa dateng Allah Ta’ala , kanti tansah nindakaken dawuh lan perintahipun Allah saha nilar lan nebihi sedaya awisanipun Allah , supados gesang kita tansah pikantuk kanugerahan saking ngarsa dalem Allah wiwitdunya ngantos akherat.Amiin.

Allah sampun njanjekaken kanti dawuhipun :

وَعَدَ اللَّهُ الَّذِينَ آَمَنُوا وَعَمِلُوا الصَّالِحَاتِ لَهُمْ مَغْفِرَةٌ وَأَجْرٌ عَظِيمٌ

lan pada nindakake amal shalih, tumrap wong wong mahu bakal oleh pangapura lan ganjaran kang agung saka ngarsane Allah““Allah wus paring janji marang wong wong kang pada iman (Al Maidah : 9).

Para Jamaah Shalat Jum’ah Ingkang Minulya

Kita mangertosi ing mangsa akhir punika tiyang Islam ingkang werni werni golonganipun sami ngaken bilih golonganipun ingkang paling leres lan sahe. Malah mboten sekedik ingkang ngantos ngowah owahi kitab sucinipun Al Qur’an, kerana dianggep sampun mboten cocok malih kaliyan kawontenan sak menika, wonten ingkang  nolak lan ngingkari dateng hadits Nabi, wonten malih ingkang ngowahi rukun Islam, shalat mboten kedah gangsal wekdal,  malah wonten ingkang ngaken dados Nabi lan rosul, bahkan wonten ingkang berpandangan mboten perlu pasa, sholat sing penting atine iman, na’udzu billah min dzalik.

Mila saking menika, mangga kita tansah njaga iman kita sedaya, sampun ngantos melu-melu piwulang-piwulang ingkang mboten jelas, sesat, tebih kaliyan menapa ingkang dipun wucalaken para ulama-ulama kita ingkang nyepeng faham ahlussunah wal jama’ah. Mangga samiya purun nyinaoni ilmi agami babakan keimanan lan ketauhidan kita dumateng ulama, kiai ingkang sanad keilmuanipun jelas, nyambung dateng para Imam Madhab papat; Imam Hanafi, Imam Malik, Imam Syafi’i  saha Imam Hanbali ing babakan fiqh, saha nyambung dateng Imam al-Asyari, Imam al-Maturidi ing babakan ilmu tauhid, saha Imam Abul Qosim al-Junadi lan Imam al-Ghazali wonten babakan akhlak utawi tasawwuf. Sedaya menika supados iman kita kiyat lan rosa mboten gampil risak ambruk katerak bebaya  lan prahara   pengaruhing pagesangan.

Kanjeng Nabi nate paring dawuh :

جَـدِّدُوْا  اِيـْمَـانـَكُمْ! قِـيْـلَ كَيْفَ نُجَـدِّدُ إِيْـمـَانَنَـا يـا رَسُـولَ اللهِ قـَالَ  : فَـأَكْـثِرُوا مِنْ قَـْولِ لاألـه الاالله     رواه أحمـد والحاكـم

)(Kanjeng Nabi Dawuh) Pada nganyar nganyar na sira ing iman ira”, Nabi lajeng dipun suwuni pirsa : Kados pundi anggen kita ngenggalaken iman kita duh Rasulullah ?Jawabipun Kanjeng Nabi : “Pada ngakehna sira ing wacan Laa ilaha illallah “. (HR.Ahmad lan Al Hakim).

Para Jamaah Shalat Jum’ah Ingkang Minulya

Keyakinan ingkang mboten kanti dasar ilmu punika sanget rentan dateng pengaruh, gampil owah amergi kenging pengaruh. Mila prayogi sanget anak anak kita ugi kita modali ilmi akidah, iman ingkang kiyat,  samiya dipun arahna ngaos aqoid kados ta aqidatul awam, ingkang sak menika saya langka dipun sinaoni dening para putra, ing mangka pengaruh kawontenan era globalisasi sangat memprehatinkan,  sanget bahaya tembe wingkingipun menawi anak anak kita ngadepi kawontenan banjiring pengaruh lan perkembangan pengetahuan, saha mobaling kebebasan pemikiran,  menawi tanpa kita modali pondasi aqidah ingkang kiyat, inggih aqidah Ahlus Sunnah wal Jama’ah, tentu kita bade getun tembe akhire. Mila Ngatos atos dateng para putra ing bab sesrawunganipun, menapa dene pendidikanipun. Ampun ngantos sembarang nyekolahaken putra dateng golongan lan tiyang ingkang mboten jelas silsilah ilmu agamanipun, langkung langkung dateng sekolah, pondok pesantren ingkang mboten ngajaraken aqidah ahlussunah wal jama’ah. Mila wajib tumrap  njagi   dateng awak kita, putra lan sedaya keluarga kita, ampun ngantos kejlomprong ing kesesatan. Allah paring pepenget :

يَا أَيُّهَا الَّذِينَ آَمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ

“He wong wong kang pada iman, jaganen awakmu lan keluargamu saka genining neraka, kang urub urube neraka iku watu lan manungsa“ (QS.At Tahrim : 6).

Para Jamaah Shalat Jum’ah Ingkang Minulya,

Mbok bilih sampun dados kasunyatan menapa ingkang dipun prediksi dening Kanjeng Nabi bilih Umat Islam menika bade pecah belah dados pinten pinten golongan. Kados dawuhipun :

سَــتَـفْـتَـرِقُ أَمَّــتىِ عَـلَى ثــَلاثٍ وَسَــبْـعِـيْــنَ فِــْرقَـةً الـنـَّـاجِـيَـةُ مِـنْـهــَا واحِـدَةٌ ، وَالْـبــَاقُـوْنَ هَـلْـكَى ، قِـيْــلَ : وَمَـنْ الـنَّــاجِـيَّـةُ ؟ قَــالَ : أهْـلُ الـسُّــنَّـةُ واَلْجَمـَـاعـةُ ،, قـِيْــلَ : وَمـا أهْـلُ الـسُّــنَّـةُ واَلْجَمـَـاعـةُ ؟ قــاَلَ : مــَا أنــا عَـلَــيْـهِ وَأَصْــحـَابــِى

 “Bakal pecah ummatku besok dadi 73 golongan, saka kabeh golongan mau kang slamet mung sak golongan, dene liyane kabeh cilaka,”.Kanjeng Nabi disuwuni pirsa :  Golongan ingkang wilujeng punika ingkang pundi ? Dawuhipun Nabi : Ya iku Ahlus sunnah wal jama’ah.Kanjeng Nabi disuwuni pirsa malih : Ahlussunnah wal jama’ah punika menapa ?  Nabi njawab : “Yaiku i’tiqad kang ingsun tetepi sartane para shabat ingsun”

Para Jamaah Shalat Jum’ah Ingkang Minulya,

Pramila lajeng sedaya golongan ngaken bilih golonganipun minangka Ahlus sunnah wal Jama’ah. Mila ingkang wigatos tumrap kita mangga sami nindakaken tolabulilmi, langkung langkung ilmu aqaid, ingkang nyinaoni perkawis perkawis ingkang magayutan kaliyan iman kita. Supados iman kita saya kiyat lan kekah.

Mugi kita tansah dipun reksa, saking pengaruhing kahanan ingkang tansah ngancam dateng aqidah lan i’tikad kita, pinaringana pitedah wonten ing margi ingkang leres, kanti rahmat lan pitulungipun Allah Ta’ala.

بارَكَ اللهُ لِي وَلَكُمْ فِي الْقُرْآنِ الْكَرِيْمِ ، وَنَفَعَنِي وَإِيَّا كُمْ بِااْلآيَاتِ وَالذِّكْرِ الْحَكِيْمِ, إِنَّهُ هُوَ التَّوَّابُ الرَّحِيْمِ،,  قَالَ تَعَالَى وَهُوَ أَصْدَقُ اْلقائِلِيْنَ ، أَعُـوْذُ بِاللهِ مِنَ الشَّيْطَانِ الرَّجِيْمِ ، بِسْـمِ اللهِ الرَّحْمَنِ الرَّحِيْمِ ، مَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ، وَقُلْ رَبِّ اْغفِرْ وَارْحَمْ وَأَنْتَ خَيْرُ الرَّحِمِيْنَ

Dr. H. Luthfi Hadi Aminuddin, M.Ag
Sekretaris PCNU Ponorogo