Pengurus Cabang Nahdlatul Ulama PONOROGO mengimbau kepada Nahdliyin untuk senantiasa Menjaga Kesehatan, Mematuhi Instruksi, Himbauan, dan Protokol yang ditetapkan oleh Pemerintah dalam menghadapi pandemi Covid-19, termasuk tidak keluar rumah dan jaga jarak aman (Physical Distancing) agar tercapai kemaslahatan bersama, serta Memperbanyak Doa dan Amaliyah sebagaimana instruksi PBNU serta memohon pertolongan kepada Allah SWT semoga pandemi Covid-19 bisa diatasi dengan segera

NU PONOROGO

Official Website PCNU Ponorogo

MUHASABAH LAN AL-QUR’AN (AL-QUR’AN 1)

khutbah jumat nu basa jawa
khutbah jumat nu basa jawa

اَلْحَمْدُ للهِ الَّذِي جَعَلَ الْمَوْتَ وَ الْحَيَاةَ بِقُدْرَتِهِ, فَشَهِدْنَا بِوَحْدَانِيَّتِهِ وَ إِرَادَتِهِ, وَ عِلْمِهِ وَ حِكْمَتِهِ, فَهُوَ الَّذِى يُقَلِّبُ اللَّيْلَ وَ النَّهَارَ, وَ يُغَيِّرُ الأَحْوَالَ وَ يُنْزِلُ الأَمْطَارَ, وَ يُجْرِى السُّفْنَ فِى الْبِحَارِ, فَسُبْحَانَهُ وَهُوَ الْعَزِيْزُ الْغَفَّارُ, وَ نَشْهَدُ بِمُحَمَّدٍ صَلَّى اللهُ عَلَيْهِ وَ سَلَّمْ وَ بَارِكْ عَلَيْهِ وَ عَلَى آلِهِ وَ صَحْبِهِ إِلَى مَابَقِيَ اللَّيْلُ وَ النَّهَارُ, أَمَّا بَعْدُ, فَيَاعِبَادَ اللهِ أُوْصِيْكُمْ وَ إِيَّايَ بِتَقْوَى اللهِ الْهَادِى إِلَى سَبِيْلِ الْخَيْرِ.

Bathi Lan Rugi

Para sedherek kaum Muslimin rahimakumullah. Wulan Nopember ing taun punika saged dados wulan ingkang wigatos. Kawi¬gatosanipun inggih punika, bilih kula lan panjenengan lajeng prelu ngetang-etang sepinten kathahipun amal kesaenan ingkang sampun kula lan panjenengan kempalaken, nanging ugi sepinten kathahipun dosa-kalepatan ingkang nate kula kan panjenengan tindakaken ing dalern setunggal wulan punika. Saengga ibaratipun tiyang dagang, kula lan panjenengan lajeng saged ngetang bathi utawi rugi. Women ing surat al-‘Ashr Allah swt. sampun ngas¬takaken ukuran bathi utawi ruginipun manungsa, inggih punika: iman, amal salih, ndherek bebeneripun Syariah, lan kesabaran. Manungsa ingkang boten purun nindakaken sekawan perkawis punika dipun jamin mesthi badhe rugi.

إِنَّ ٱلْإِنسَٰنَ لَفِى خُسْرٍ ، إِلَّا ٱلَّذِينَ ءَامَنُوا وَعَمِلُوا ٱلصَّٰلِحَٰتِ وَتَوَاصَوْا بِٱلْحَقِّ وَتَوَاصَوْا بِٱلصَّبْرِ

“Satemene manungsa iku mesthi bakal rugi, kejaba wong-wong kang padha iman, nindakake amal kabecikan, padha tutur tinu¬tur ing bebener, lan tutur tinutur ing kesabaran. “ (Q.S. al-‘Ashr).

Lajeng ing ayat sanesipun Allah ugi paring dhawuh makaten:

وَمِنَ ٱلنَّاسِ مَن يَعْبُدُ ٱللَّهَ عَلَىٰ حَرْفٍ ۖ فَإِنْ أَصَابَهُۥ خَيْرٌ ٱطْمَأَنَّ بِهِۦ ۖ وَإِنْ أَصَابَتْهُ فِتْنَةٌ ٱنقَلَبَ عَلَىٰ وَجْهِهِۦ خَسِرَ ٱلدُّنْيَا وَٱلْءَاخِرَةَ ۚ ذَٰلِكَ هُوَ ٱلْخُسْرَانُ ٱلْمُبِينُ

“Lan ing antarane manungsa iku ana kang (ngibadah) nyembah marang Allah mung ana ing pinggire wae. Mula yen dheweke entuk kabecikun, dheweke bunjur tentrem atine krana kabecikan iku. Nanging yen dheweke ketekan coba, dheweke banjur ngungkuri Allah (dadi kafir maneh). Dheweke iku rugi donya lan akhi¬rat. Kang kaya mangkono iku mujudake karugian kung gedhe banget.” (Q.S. al-Hajj, 22: 11).

Para sedherek jamaah Jum’ah rahimakumullah. Ayat-ayat pu¬nika kalawau mujudaken jaminanipun Allah. Liripun, iman ing¬kang namung setengah-setengah dhumateng Allah, amal tumin-dak ingkang mlanggar Syariat, sikep kesusu lan grusah-grusuh, sedaya punika namung badhe ngasilaken karugian ingkang ageng. Contonipun kathah sanget. Kados al-Qur’an ingkang boten nate dipun khatamaken, shalat ingkang tansah telat, zakat ingkang boten nate dipun bayaraken, pados tambahipun seserepan ilmu kemawon keset, buku boten nate dipun waos, akal lan manah tan¬sah dipun kawonaken dening nafsu, amal tumindak ingkang mlanggar Syariatipun agama teras dipun lampahi, dene amalan-ama¬lan ingkang badhe nyaketaken dhateng hidayahipun Allah jer sa¬mi dipun lirwakaken. Sedaya punika estu-estu ndadosaken kula lan panjenengan minangka umat Islam rugi sarugi-ruginipun. Ru¬gi donya, lan rugi akhirat.
Mila saking punika mangga ing awal taun punika, amalan ing setunggal taun kapengker punika sareng-sareng kula lan panje¬nengan titi pundi ingkang kedah dipun ribah, pundi ingkang kirang, lan pundi ingkang kedah dipun tingkataken.

Medhomani AI-Qur’an
Para sedherek jamaah jum’ah rahimakumullah. Ing ngriki kula lan panjenengan lajeng dipun emutaken dhateng dhawuh pa¬ngandikanipun Allah:

إِنَّ هَٰذَا ٱلْقُرْءَانَ يَهْدِى لِلَّتِى هِىَ أَقْوَمُ وَيُبَشِّرُ ٱلْمُؤْمِنِينَ ٱلَّذِينَ يَعْمَلُونَ ٱلصَّٰلِحَٰتِ أَنَّ لَهُمْ أَجْرًا كَبِيرًا

“Sulemene al-Qur’an iku aweh pituduh marang (dalan) kang paling jejeg, lan aweh kabar kang nyenengake marang wong-wong Mukmin, (yaiku) wong-wong kang tansah tumindak salih, yen kanggo dheweke kabeh iku ganjaran kang gedhe.” (Q.S. AI-Israa, 17: 9).

Nglanggengaken Maos AI-Qur’an

Para sedherek. Conto-conto panggesangan ingkang rupek sa¬nesipun temtu taksih kathah sanget ing sakiwa lan tengen kula lan panjenengan. Punapa malih wonten ing jaman ingkang sarwa risak kados samangke punika, ingkang tetela tebih saking para malaikat tuwin rahmatipun Allah. Saengga ing ngriki kula lan panjenengan lajeng dipun emutaken dhateng dhawuhipun Rasu¬lulllah saw.:

مَا اجْتَمَعَ قَوْمٌ فِى بَيْتٍ مِنْ بُيُوْتِ اللهِ يَتْلُوْنَ كِتَابَ اللهِ وَ يَتَدَارَ سُوْنَهُ بَيْنَهُمْ إِلَّا نَزَلَتْ عَلَيْهِمُ السَّكِيْنَةُ وَ غَشِيَتْهُمُ الرَّحْمَةُ وَ حَفَّتْهُمُ الْمَلَائِكَةُ وَ ذَكَرَهُمُ اللهُ فِيْمَنْ عِنْدَهُ, وَ مَنْ بَطَأَبِهِ عَمَلُهُ لَمْ يُسْرِعْ بِهِ نَسْبُهُ.

“Ora ana sawijining kaum kung kumpul-kumpul sawijining omah saka dalem-daleme Allah kang padha maca al-Qur’an lan padha warah-winarahan ngenani al-Qur’an iku ing sapadha-padhane, kejaba bakal tumurun ana ing ati-atine kaum iku rasa tentrem, lan dheweke kabeh bakal dikupengi rahmat, diamping-ampingi para malaikat, lan Allah bakal ngegung-gungake dhe¬weke kabeh marang para makhluk ing sacakete. Lan sing sapa wonge ngendhe-endhe amal kabecikane, ora bakal dicepetake nasabe (kamulyane).” (H.R. Muslim, 7027).

Para sedherek. Wonten ing haditsipun Imam Tirmidzi ugi di¬pun terangaken, bilih setunggalipun wekdal sahabat Abdullah Ib¬nu Amr nate nyuwun pirsa dhumateng Kanjeng Nabi: “Dhuh Ra¬sulullah, ing saben pinten dinten saenipun anggen kula maos al-Qur’an?” Nabi ngendika: “Khatamna ing dalem sewulan!”. Ibnu Amr matur: “Kula taksih sagah langkung sae tinimbang punika.” Nabi ngendika: “Khatamna ing dalem rong puluh dina!”. Ibnu Amr matur: “Kula taksih sagah langkung sae tinimbang punika.” Nabi ngendika: “Khatamna ing dalern limalas dina!”. Ibnu Amr matur: “Kula taksih sagah langkung sae tinimbang punika.” Nabi ngendika: “Khatamna ing dalem sepuluh dina!” lbnu Arnr matur: “Kula taksih sagah langkung sae tinimbang punika.” Nabi ngen¬dika: “Khatamna ing dalem limang dina!” lbnu Arnr matur: “Ku¬la taksih sagah langkung sae tinimbang punika.” Nanging Ibnu Amr lajeng nerangaken: “Kanjeng Nabi saw. banjur ora marengake aku ngatamake al-Qur’an luwih cepet saka limang dina.” (Sunan Tinnidzi, 3198).

Para sedherek. Makaten tuntunanipun Allah lan Utusanipun menawi kula lan panjenengan mila kepengin tansah sinarengan hidayah saha rahmatipun Allah. Para malaikat ugi badhe tansah kersa dados kanca ingkang siap ngamping-ampingi kula lan pan¬jenengan ing sadangunipun nindakaken pakaryan. Mila mesthi badhe sae sanget menawi wiwit meniko benjang, ku¬la lan panjenengan nambah amalan setunggal malih, inggih puni¬ka ngatamaken waosan al-Qur’an ing saben-saben wulanipun.

بَارَكَ اللهُ لِيْ وَلَكُمْ فِى الْقُرْانِ الْعَظِيْمِ. وَنَفَعَنِيْ وَإِيَّاكُمْ بِمَافِيْهِ مِنَ الْآيَاتِ وَالذِّكْرِ الْحَكِيْمِ، فَأَسْتَغْفِرُ اللهَ لِى وَ لَكُمْ, إِنَّهُ هُوَ الْغَفُوْرُ الرَّحِيْمُ.

 

KH. Markaban Ahmad, S.Ag., M.Pd.I

Pengasuh Ponpes Ilhamul Qudus

Informasi terkait:

Tinggalkan Balasan

Alamat email Anda tidak akan dipublikasikan. Ruas yang wajib ditandai *