NU PONOROGO

Official Website PCNU Ponorogo

Teks Khutbah Jumat Basa Jawa NU – SHOFAR WULAN SAE, ORA WULAN SIAL

Teks Khutbah Jumat Basa Jawa NU - SHOFAR WULAN SAE, ORA WULAN SIAL
Teks Khutbah Jumat Basa Jawa NU – SHOFAR WULAN SAE, ORA WULAN SIAL

أَلْخُطْبَةُ الْأُوْلَى

أَلْحَمْدُ لِلَّهِ الْعَزِيْزِ الْغَفَّارِ. اَلْحَلَيْمِ السَّتَّارِ. اَالْمُتَفَضِّلِ بِالْعَطَاءِ الْمِدْرَارِ. اَالنَّافِذِ قَضَائُهُ بِمَا تَجْرِى فِيْهِ الْأَقْدَارُ. يُدْنِى وَيُبْعِدُ وَيُشْقِى وَيُسْعِدُ وَيُهْبِطُ وَيُصْعِدُ. وَرَبُّكُ يَخْلُقُ مَا يَشَاَءُ وَيَخْتَارُ. وَأَشْهَدُ أَنْ لَا إِلَهَ إلَّا اللَّهُ وَحْدَهُ لَاشَرِيْكَ لَهُ مُكَوِّرُ اللَّيْلِ عَلَى النَّهَارِ. وَأَشْهَدُ أَنَّ سَيِّدَنَا مُحَمَّدًا عَبْدُهَ وَرَسُوْلُهُ الْمُصْطَفَى الْمُخْتَارُ.

اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ الَّذِى كَشَفَ الْكُرُوْبَ وَالْأَضْرَارَ. وَعَلَى آلِهِ وَأصْحَابِهِ مَا طَلَعَ فَجْرٌ وَاسْتَنَارَ.

أمَّا بَعْدُ: فَيَاأيُّهَا الْحَاضِرُوْنَ. أُوْصِيْكُمْ وَنَفْسِيْ بِتَقْوَى اللَّهِ, فَقَدْ فَازَ مَنِ اتَّقَى وَخَابَ مَنْ طَغَى.

Jamaah sholat Jum’at hafidhakumullah…

Monggo sareng-sareng ningkataken taqwalloh, ajrih dumateng ngarsonipun Alloh, kanti nindaaken sedoyo printah-printah-Ipun soho nebihi sedoya awisan-awisan-Ipun. Sepados kita sedoyo manggehaken kawilujengan soho kebahagiaan wonten ing dunyo ngantos akhiratipun.

Saat meniko kita manggen wonten wulan Shofar, wualn kaping kalih saking tahun hijriyyah. Nami Shofar magayutan kalian aktivitas bongso Arab rumiyen. Shofar tegese kosong. Dipun asmani mekaten kranten wonten ing wulan kasebut, masyarakat naliko semanten sami ninggalaken daerahipun, sak perlu bidal perang utawi musafir utawi mlancong.

Poro ulomo nyebat wulan Shofar minangka Shofar al-Khoir, wulan Shofar engkang kebak kabecikan minangka wujud optimisme mundut nilai-nilai positif kanthi nyandarken kesaenan wonten wulan Shofar.

Ari kolo zaman jahiliyah, sumebar anggepan bilih wulan Shofar minangka wulan sial engkang dipun sebat tasya’um. Wulan engkang mboten gadah kekarepan nopo-nopo dipun percayo mengku kealanan hinggo nimbulaken kekhawatiran utawi rasa wedi nindakaaken perkawis-perkawis tartamtu. Pemikiran kados mekaten taksih menjalar ngantos sak meniko. Sebagian tiyang nganggep bilih dinten-dinten tartamtu andatengaken  hoki utawi keberuntungan, anananging dinten-dinten lintunipun mengku kosok wangsulipun.

Kasunyatanipun, kados wulan-wulan lintu, wulan Shofar netral saking nasib awon utawi bebaya ola. Menawi wonten kedadosan engkang awon wonten lebetipun, milo mung amargi faktor lintunipun, yakni miturut kersanipun Allah, sanes amargi wulan Shofar piyambak.

Kanjeng Nabi dawuh:

لَا عَدْوَى وَلَا طِيَرَةَ وَلَا هَامَةَ وَلَا صَفَرَ وَفِرَّ مِنْ الْمَجْذُومِ كَمَا تَفِرُّ مِنْ الْأَسَدِ. (رواه البخاري ومسلم)

“Ora ana ‘adwa, thiyaroh, hamah, shofar, lan mlayuo (ngedoho) saka wong sing kena kusta (lepra) koyo awakmu mlayu (ngadoh) saka singa.” (Riwayat Bukhari lan Muslim)

‘Adwa meniko kapercayaan menawi wonten penyakit engkang saget nular piyambak, tanpa proses sak derengipun lan tanpa izin saking Allah. Thiyarah meniko kapercayaan babagan nasib sae lan olo sak sampun ipun ningali manuk. Ing masyarakat jahiliyah  wonten mitos menawi wonten tiyang medal saking griyo ndeleng manuk mabur ing sisih tengenipun, pratondho pinaringan nasib mujur. Kosok wangsulipun menawi ningali manuk mabur ing sisih kiwo, iku pratondho manggihi nasib awon, milo kedah wangsul.

Wondene hamah meniko jinis anggepan menawi manuk hantu menclok wonten griyo, meniko pratandha nasib ala tumrap engkang kagungan griyo. Mboten benten kalian Shofar engkang dipun yakini minangka wektu khusus engkang saget andatengaken beboyo.

Jamaah sholat Jum’at hafidhakumullah…

Ing saben komunitas, kados ing kulawargo, suku utawi bongso, mesthi wonten wulan tartamtu engkang dipun anggep minangka wulan sial. Sebagian tiyang Jawi nganggep wulan Muharram utawi Sura minangka wulan sial. Lintunipun nganggep wulan Dzulqa’dah utawa Selo/Apit minangka wulan sial. Wonten kalangnipun tiyang Arab, wulan sial ipun inngih puniko wulan Shofar lan Syawwal. Negari lintunipun ugi anggdahi wulan engkang benten-benten. Keyakinan engkang kados mekaten dipun timbulaken saking kalih perkawis:

Kaping sepisan, wonten tragedi utawi kedadosan engkang nyengsaraken leluhur ing wulan, dinten utawa wektu tartamtu. Lajeng dipun anggep wulan kasebut minangka wulan sial lan wasiat marang anak lan putune supados waspodo dateng wulan kasebat  supados selamet saking tragedi kasebat.

Kapindho, saben manungsa kagungan sifat pesimis kanthi ukuran benten-benten. Menawi sifat pesimisme dipun gandhengaken kalian crita leluhur lan crita sial, mongko engkang kagungan sifat pesimisme bade prasongko mboten sae dateng awak-awakan, papan, utawi wektu tartamtu minangka penyebab sial. Nabi Muhammad SAW ngendika:

ثَلَاثٌ لَايَنْجُوْ مِنْهُنَّ أَحَدٌ: اَلظَّنُّ وَالطِّيَرَةُ وَالْحَسَدُ. (رواه إبن أبى الدنيا)

“Telung perkara, ora ana sing selamet soko perkoro telu iku; yaiku prasangka, pesimisme, lan hasad. ” (Riwayat Ibnu Abi Dunya)

Jamaah sholat Jum’at hafidhakumullah…

Islam mboten ngakeni dinten, wulan utawi taun sial. Kados kawontenan jagat royo meniko, wektu minangka titahing Allah. Wektu mboten saget jumeneng piyambak. Dhewekne wonten  ing kekuwatan lan penguwasanipun Alloh. Saben tiyang Islam kedah  percados bilih mboten wonten pengaruh sae utawi awon tanpa izin saking Allah.

Kanjeng Nabi piyambak nolak anggepan negatif masyarakat jahiliyah dateng wulan Shafar kanthi praktik-praktik positif. Habib Abu Bakr al-‘Adni wonten Mandhumah Syarh al-Atsar fî Ma Warada ‘an Syahri Shafar nerangaken bilih kathah kedadosan penting engkang dipun tindaaken Nabi wonten ing wulan Shofar, ing antawisipun nikah kalian Sayyidah Khadijah, perkawinan putrinipun Sayyidah Fatimah kalian Ali bin Abi Talib, ngantos panjenenganipun miwiti hijrah saking Mekah dateng Madinah. Artosipun, Kanjeng Nabi mbantah kapercayaan masyarakat jahiliyah mboten namung kalian argumentasi sarasan, ananging ugi kanthi bukti nyoto. Kanthi nindakaken prekawis-perkawis sakral lan penting ing wulan Shofar. Kanjeng Nabi kados maringii pesen manawi wulan Shofar mboten bedo kalian wulan lintune.

Kita wajib ngilangi kapercayaan dateng wulan, panggenan, obyek lan tokoh pembawa sial. Kepercayaan kados mekaten bade ngrisak panggesangan individu tuwen masyarakat. Antawisipun langkah-langkah kagem terapi mandiri saking penyakit meniko:

Mikir engkang positif, mikir negatif dateng wulan Shafar bade andatengaken  hal negatif. Sebalikipun, menawi mikir kanthi positif, ugi bade andatengaken hal positif. Amargi Gusti Allah bade nakdir kita miturut menopo engkang dipun percoyo lan dipun yakini. Ing hadits Qudtsi Allah ngandika:

أَنَا عِنْدَ ظَنِّ عَبْدِ بِى, إِنْ ظَنَّ بِى خَيْرًا فَلَهُ وَإِنْ ظَنَّ شَرًّا فَلَهُ. (رواه أحمد)

“Aku gumantung marang prasangka abdi dalem. Yen dheweke nganggep apik tumrap Aku, mula bakal kelakon apik. Yen dheweke nganggep ala marang Aku, mula dheweke bakal olel ala. ” (HR. Ahmad)

Tawakkal, anggepan sial dateng wulan Shofar saget dipun cegah kanthi tawakkal utawi pasrah dateng Allah. Nabi Muhammad SAW ngendika:

اَلطِّيَرَةُ مِنَ الشِّرْكِ وَمَا مِنَّا إِلَّا وَلَكِنَّ اللَّهَ يُذْهِبُهُ بِالتَّوَكُّلِ. (رواه الترميذي)

“Keyakinan sial (ngroso nompo sial) iku kalebu syirik, ora ana sala sijini kita kejobo keno penyakit iki. Nanging saktemene Allah ngilangi nganggo tawakkal. ” (HR. At-Tirmidhi)

Sakwise milih nglajengaken langkah, lajeng wancinipun tawakkal dateng Allah kanthi bener. Inggih meniko, ambudidoyo kanthi estu, ngagem coro engkang bener, lan tumindak kanthi profesional. Sakwise lajeng pasrah dateng Allah.

Jamaah sholat Jum’at hafidhakumullah…

Keyakinan bilih wulan Shofar meniko wulan sial meniko keyakinan engkang mboten landasan kalian dhasar kasunyatan. Sedoyo wulan anggawa berkah lan kabekjan, gumantung kalian polah lan tingkah laku kita. Tumindak lan keyakinan engkang positif bade ndorong hal-hal positif wonten panggesangan. Kosok wangsulipun, tumindak lan keyakinan negatif baden ndorong dateng perkawis engkang negatif wonten panggesangan.

Mugi-mugi kita pinaringan i’itikad lan keyakinan engkang berdasar kalian tuntunan agami, hingga kita selamet saking akibat engkang mboten sae engkang muncul saking i’itikad utawi keyakinan engkang mboten sae. Amin

وَاللَّهُ سُبْحَانَهُ وَتَعَالَى يَقُوْلُ. وَبِقَوْلِهِ يَهْتَدِى الْمُهْتَدُوْنَ. أَعُوْذُ بِاللَّهِ مِنَ الشَّيْطَانِ الرَّجِيْمِ, قُلْ لَنْ يُصِيْبَنَا إِلَّا مَا كَتَبَ اللَّهُ لَنَا, هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُوْنَ.

 باَرَكَ اللهُ لِيْ وَلكمْ فِي القُرْآنِ العَظِيْمِ، وَنَفَعَنِيْ وَإِيّاكُمْ بِالآياتِ والذِّكْرِ الحَكِيْمِ.  إنّهُ تَعاَلَى جَوّادٌ كَرِيْمٌ مَلِكٌ بَرٌّ رَؤُوْفٌ رَحِيْمٌ.

 

أَلْخُطْبَةُ الثَّانِيَّةُ

اَلْحَمْدُ لِلَّهِ وَكَفَى. وَأُصَلِّيْ وَأُسَلِّمُ عَلَى سَيِّدِنَا مُحَمَّدٍ الْمُصْطَفَى. وَعَلَى آلِهِ وَأَصْحَابِهِ أَهْلِ الْوَفَا. أمَّا بَعْدُ، فَيَا أَيُّهَا الْمُسْلِمُوْنَ،أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ. وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ. أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ. فَقَالَ: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ. يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا. اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ. كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ. وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ. كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ. فِيْ الْعَالَمِيْنَ إِنَّكَ حَمِيْدٌ مَجِيْدٌ. اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ. اَللَّهُمَّ ارْفَعْ وَادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالطَّاعُوْن وّفِرُوسْ قَرَنَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ مَا ظَهَرَ مِنْهَا وَمَا بَطَنَ،عَنْ بَلَدِنَا هَذَا خَاصَّةً وَعَنْ بُلْدَانِ الْمُسْلِمِيْنَ عَامَّةً. إِنَّكَ عَلَى كُلِّ شَيْءٍ قَدِيْرٌ. اللَّهُمَّ إِنَّا نَسْأَلُكَ الْعَفْوَ والْعَافِيَةَ وَالْمُعَافَاةَ الدَّائِمَةَ فِى الدِّيْنِ وَالدُّنْيَا وَالْآخِرَةَ. بِسْمِ اللَّهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ. وَهُوَ السَّمِيعُ الْعَلِيمُ. رَبَّنَا آتِنَا فِى الدُّنْيأ حَسَنَةً, وَفِى ألآخِرَةِ حَسَنَةً, وَقِنَا عَذَابَ النَّارِ. وَالْحَمْدُ لِلَّهِ رَبِّ الْعّالّمِيْنَ.

عِبَادَ اللهِ. إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللَّهَ الْعَظِيْمَ يَذْكُرْكُمْ. وَاشْكُرُوْا عَلَى نِعَمِهِ يَزِدْكُمْ. وَاسْئَلُوْهُ مِنْ فَضْلِهِ يُؤْتِكُمْ. وَلَذِكْرُ اللَّهِ أَكْبَرُ.

MUQORROBIN
Wakil Katib PCNU Ponorogo – Ketua Bidang Peribadatan Masjid NU Ponorogo

Informasi terkait:

2 Comments

Leave a Reply

Your email address will not be published. Required fields are marked *

Pengurus Cabang Nahdlatul Ulama PONOROGO mengimbau kepada Nahdliyin untuk senantiasa Menjaga Kesehatan, Mematuhi Instruksi, Himbauan, dan Protokol yang ditetapkan oleh Pemerintah dalam menghadapi pandemi Covid-19, termasuk tidak keluar rumah dan jaga jarak aman (Physical Distancing) agar tercapai kemaslahatan bersama, serta Memperbanyak Doa dan Amaliyah sebagaimana instruksi PBNU serta memohon pertolongan kepada Allah SWT semoga pandemi Covid-19 bisa diatasi dengan segera