NU PONOROGO

Official Website PCNU Ponorogo

Dosa Sing Ora Katon – Khutbah Jumat NU Basa Jawa

Khutbah Jum'at NU Basa Jawa
Khutbah Jum’at NU Basa Jawa

اَلْحَمْدُ للهِ الَّذِي أَصْلَحَ الضَّمَائِرَ ، وَنَقَّى السَّرَائِرَ ، فَهَدى الْقَلْبَ الْحَائِرَ اِلَى طَرِيْقِ أَوْلَى الْبَصَائِرَ ، أَشْهَدُ أَنْ لَا اِلهَ إِلَّا اللهُ وَحْدَهُ لَا شَرِيْكَ لَهُ رَبُّ الْعِزَّة ِوَالْبَصِيْرِ ، وَأَشْهَدُ أَنَّ مُحَمَّدًا عَبْدُهُ وَرَسُوْلُه نَبِيُّ الْمُصْطَفَى الْفَقِيْر ، اللهم صَلِّ وَسَلِّمْ وَبَارِكْ عَلَى سَيِّدِنَا مُحمَّدٍ خَاتَمِ الْأَنْبِيَاءِ وَالْمُرْسَلِيْنَ وَعَلى آلِهِ وأَصْحَابِهِ أَجْمَعِيْنَ ، أمَّا بَعْدُ

فيا أيها الحاضرون رحكُمُ الله ، أُوْصِيْكُمْ وَإيَّايَ بِتَقْوَى اللهِ فَقَدْ فاَزَ الْمُتَّقُوْنَ

قال تعالى : يا أيها الذين آمنوا اتَّقُوْا اللهَ حَقَّ تُقَاتِهِ وَلَا تَمُوْتُنَّ اِلاَّ وَاَنْتُمْ مُسْلِمُوْنَ

Hadirin jamaah Jum’ah rahimakumullah

Sak sampunipun kita muji syukur dateng ngarsanipun Gusti Allah swt jalaran rahmat lan nikmat ingkang sampun kaparingaken dateng kita arupi kesehatan, kesarasan lan kabegjan. Kula  ngajak dumateng diri kula piyambak, ugi dateng panjenengan sedaya para hadirin, monggo sami kita tingkatakan anggen kita taqwa dateng Gusti Allah swt, kanti saya sae anggen kita nindaaken sedaya dawuhipun, menapa dawuh urusan ibadah menapa mu’amalah. Sak lintunipun shalat wajib mangga kita tambahi shalat shalat sunnah sak kiyat kita piyambak- piyambak. Semanten ugi dateng awisanipun, mangga saya kita tebihi, ingkang haram utawi namung makruh, Saya tambah umur kita saya celak manah kita dating Allah swt, sahingga gesang kita manggihaken gesang khusnal khatimah.

Jamaah Jumat Rahimakumullah

Wonten surah al An’am 120, Gusti Allah sampun dawuh:

وَذَرُوْا ظَاهِرَ الْاِثْمِ وَبَاطِنَهٗ ۗاِنَّ الَّذِيْنَ يَكْسِبُوْنَ الْاِثْمَ سَيُجْزَوْنَ بِمَا كَانُوْا يَقْتَرِفُوْنَ

Lan pada tinggalno sakabehane tumindak dosa, sing katon apa ora. Saktemene wong kang nindaake tumindak dosa besuk ono dino kiyamat bakal oleh walesan amarga anggone tumindak dosa.

Dawuhipun gusti Allah menika ngengetaken dateng kita sedaya bilih wonten kalih warni dosa ingkang bade dumawah dateng para manungsa. Kekalihipun sami-sami bahayanipun lan wajib kita tebihi. Inggih menika dosa ingkang dzohir (ketingal) lan batin (boten ketingal). Dosa dzahir

menika wujudipun jelas, saged kita pirsane kaliyan paningal kita utawi kita mirengaken kaliyan talingan kita. Contonipun: Minum minuman ingkang mendemi lan sejenisipun, judi, zina,  mateni tiyang lan taksih katah malih warninipun. Dosa batin menika boten ketingal ing mripat, upaminipun takabur, riyak, ghibah lan lintu lintunipun.

Katah ing antawisipun kita sadoyo ingkang dereng sadar lan dereng saged nyegah tumindak dosa meniko. Taksih katah sederek kita ingkang dereng saged nyegah ngunjuk arak lan sejenisipun, ugi dereng saged anjagi manahipun saking tumindak maksiyat (duroko). Katah sederek muslim ingkang taksih ngagungaken diri pribadinipun, ngeremehaken tiyang sanes, remen pamer lan boten dipun kanteni jiwa ingkang ikhlas nalika nindakaken ngibadah. Mila leres menawi para alim dawuhaken bilih dosa batin meniko langkung angel kita tebihi tinimbang dosa dhahir.

Mangga sami kita galih dawuhipun kanjeng Nabi Muhammad saw ing ngandap puniko:

أَلَا إِنَّ فِي الجَسَدِ مُضْغَةً إِذَا صَلَحَتْ صَلَحَ الجَسَدُ كُلُّهُ ، وَإِذَا فَسَدَتْ فَسَدَ الجَسَدُ كُلُّهُ؛ أَلَا وَهِيَ القَلْبُ

Weruho siro sak temene ono ing jerone awak iki ono getih sak kepel, nalika getih iku bagus mongko bakal bagus sak awak kojor, naliko getih itu olo mongka dadi olo sak awak kojur. Ngertenono yento getih sak kempel iku sing di arani ATI.

Artosipun bilih ingkang dadosaken saenipun utawi risakipun para manungso meniko, wonten ATI meniko, jalaran katutup kaliyan tumindak-tumindak maksiyat. Naliko Ati risak, jasad dados risak. Ingkang meniko cocok kaliyan dawuipun kanjeng nagi Muhammad saw meniko:

إِنَّ اللَّهَ لاَ يَنْظُرُ إِلَى صُوَرِكُمْ وَأَمْوَالِكُمْ وَلَكِنْ يَنْظُرُ إِلَى قُلُوبِكُمْ وَأَعْمَالِكُمْ

Sak temene gusti Allah ora bakal mirsani marang bentuke badaniro lan dudu banda nira, Allah bakal mirasni marang atine lan amale siro kabeh.(HR. Muslim)

Jamaah Jumat Rahimakumullah

Dosa batin saged dadosaken sebab rusakipun raga. Contonipun nalika manahipun Qobil anggadahi sifat dengki (hasud) saged dadosaken raja pati, ngantos Habil dados korban, dipun pateni deneng Qobil. Semanten ugi sifat kekufuranipun tiyang-tiyang Yahudi, nalika jaman Kanjeng Nabi Muhammad saw nindaaken dakwah Islam. Tiyang Yahudi ngalang ngalangi dakwah Islam sebab ing manahipun wonten raos hasud (dengki). Kados dawuhipun gusti Allah swt wonten surah Al Baqarah 109 meniko:

وَدَّ كَثِيْرٌ مِّنْ اَهْلِ الْكِتٰبِ لَوْ يَرُدُّوْنَكُمْ مِّنْ بَعْدِ اِيْمَانِكُمْ كُفَّارًاۚ حَسَدًا مِّنْ عِنْدِ اَنْفُسِهِمْ مِّنْ بَعْدِ مَا تَبَيَّنَ لَهُمُ الْحَقُّ

Sebagian akeh saka ahli kitab ngarepake supaya deweke bisa mbaleake sira kabeh marang kekafiran sak wuse deweke pada iman, iku sebab rasa dengki kang metu sangka deweke dewe, sak wuse kang bener jelas nyata.

Kedadosan saat niku sami kaliyan sami kaliyan periswa Raja Fir’aun ingkang nolak risalah saking Nabi Musa ‘alaihis salam, amargi Fir’aun kagungan sifat sombong ingkang saged ngregedi dateng manahipun. Kados dawuhipun gusti Allah ing Surat An Naml ayat 14 meniko:

وَجَحَدُوا بِهَا وَاستَيقَنَـتْهَاۤ اَنْفُسُهُمْ ظُلْمًا وَّعُلُوًّا‌ ؕ فَانْظُرْ كَيْفَ كَانَ عَاقِبَةُ الْمُفْسِدِيْنَ

Lan deweke pada nulayani jalaran sifat dzolim lan sombong senajan ing ati deweke pada yakin ing bebener.

Jamaah Jumat Rahimakumullah

Biasanipun dosa dzahir menika gampil nyadaraken dateng ingkang nglampahi dosa. Katah tiyang ingkang sampun nglampai dosa dzahir (maksiyat), lajeng piyambakipun sadar menawi menika pendamelan lepat, lajeng akhiripun taubat boten nindaaken tumindak lepat malih. Umpaminipun tiyang ingkang remen colong jupuk (maling) akhiripun tobat lan boten dados maling malih. Dados pangajeng-ajeng kangge sadar saking tumindakipun ingkang awon lan tobat meniko wonten. Ananging menawi dosa batin harapan kangge sadar lan tobat meniko alit sanget, jalaran senaosto piyambakipun nglampahi lepat, rumaso boten lepat. Umpaminipun rasan-rasan, meniko jelas dipun awisi lan dosa nanging tiyang ingkang ngrasani meniko rumaos boten dosa, akhiripun wonten wekdal sanes mbaleni malih anggenipun rasan-rasan.

Jamaah Jumat Rahimakumullah

Meniko wonten conto malih kangge nggambaraken dosa dzahir lan batin.

  1. Ceritanipun Nabi Adam ingkang dahar buah Khuldi, daharan ingkang dipun awisi dening gusti Allah. Sak sampunipun dahar piyambakipun sadar, yento meniko dipun awisi, lajeng piyambakipun rumaos dosa lan taubat dateng gusti Allah, kados dawuhipun gusti Allah ing Al Qur’an Surat Al A’raf 23:

قَالَا رَبَّنَا ظَلَمْنَا اَنْفُسَنَا وَاِنْ لَّمْ تَغْفِرْ لَنَا وَتَرْحَمْنَا لَنَكُوْنَنَّ مِنَ الْخٰسِرِيْنَ

 Kekalihipun (Adam lan Hawa) matur: Duh Gusti kula, kulo sampun nganiaya dateng  diri kulo piyambak, milo yen panjenengan boten paring pangapunten lan paring rahmat dateng kulo, kula kagolong golonganipun tiyang-tiyang ingkang rugi.

  1. Benten kaliyan critanipun iblis, dosanipoun iblis klebet dosa batin, inggih meniko sifat sombong. Iblis tetep boten purun tobat lan boten rumaos dosa lan lepat. Malah piyambakipun rumaos leres. Kados kasebat ing Al Qur’an Surah Al Baqarah 34 meniko:

وَاِذْ قُلْنَا لِلْمَلٰۤىِٕكَةِ اسْجُدُوْا لِاٰدَمَ فَسَجَدُوْا اِلَّا اِبْلِيْسَۗ اَبٰى وَاسْتَكْبَرَ وَكَانَ مِنَ الْكٰفِرِيْنَ

Nalika ingsun dawuh marang malaikat: Pada sujudo siro kabeh marang Adam. Mangka kabeh sujud kejaba iblis, deweke bangkang lan takabur. Mangka deweke kagolong golongane wong kafir.

Jamaah Jumat Rahimakumullah

Kisah ing nginggil nggambaraken bilih dosa batin meniko sanes perkawis ingkang enteng. Senajan boten ketingal nanging pengaruhipun ageng sanget, saged dadosaken tumindak dosa dhahir kanti boten dipun sadari kaliyan piyantun ingkang nglampahi.

Imam Ibnu Qayyim Al-Jauziyah natos dawuh bilih dosa-dosa ageng kadosta : riya’, ujub, sombong, angkuh, nglokro lan sebangsanipun meniko langkung bebayani tinimbang dosa zina, ngombe arak lan dosa-dosa dhahir lintune .

Jama’ahjum’ahrahimakumullah

Makaten khutbah ingkang saged kawulo aturaken dateng panjenengan wonten ing siang meniko. Mugi gusti Allah paring pitulungan dateng kita lan kekiyatan kangge nebihi dosa-dosa ingkang boten ketingal dosa, tapi bebayani dateng iman kita lan ngrisak dateng amal kita sedoyo.

 أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِيِمْنَ. فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ

Khutbah Kedua

اَلْحَمْدُ  لِلَّهِ حَمْدًا  كَثِيْرًا  كَمَا  أَمَرْ.  أَشْهَدُ  أَنْ  لاَ  إِلَهَ  إِلاَّ  اللهُ  وَحْدَهُ  لاَ  شَرِيْكَ  لَهُ إِرْغَاماً  لِمَنْ  جَحَدَ  بِهِ  وَكَفَرْ.  وَأَشْهَدُ  أَنَّ  سَيِّدَنَا  مُحَمَّداً  عَبْدُهُ  وَرَسُوْلُهُ  سَيِّدُ  الخَلاَئِقِ  وَالْبَشَرْ. اَللَّهُمَّ صَلِّ وَسَلِّمْ عَلَى سَيِّدِنَا وَمَوْلاَنَا مُحَمَّدٍ وَعَلَى آلِهِ وأَصْحَابِهِ وَمَنْ تَبِعَهُمْ إِلَى يَوْمِ الدين.
أَمَّا بَعْدُ، عِبَادَ اللهِ ، أوصيكم بتقوى الله ،  فاتَّقُوْا اللهَ حَقَّ تُقَاتِهِ وَطَاعَتِهِ ولا تموتن الا وانتم مسلمون. قال تعالى ولم يزل قائلا عظيما ، إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيد ، اللَّهُمَّ بَارِكْ عَلَى مُحَمَّدٍ وَعَلَى آل مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيد ، برحمتك يا أرخم الراحمين

اَللَّهُمَّ اغْفِرْ لِلْمُسْلِمِيْنَ وَاْلمُسْلِمَاتِ وَاْلمُؤْمِنِيْنَ وَاْلمُؤْمِنَاتِ الأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَاقَاضِىَ اْلحَاجَاتِ

اللَّهُمَّ اجْعَلْ جَمْعَناَ هَذَا جَمْعاً مَرْحُوْماً وَتَفَـرُّقَناَ مِنْ بَعْدِهِ تَفَرُّقًا مَعْصُـوْمًا ولاَ تَدَعْ فِيْناَ وَلاَ مَعَنَا شَقِيًّا وَلاَ مَحْرُوْمًا، لَّهُمَّ إِنِا نسْأَلُكَ الهُدَى، وَالتُّقَى، وَالعفَافَ، والغنَى.

اللهم اِنَّا نَسْألُكَ أَنْ تَرْزُقَ كُلًّا مِنَّا لِسَانًا ذَاكِرًا ، وَقَلْبًا خَاشِعًا مُنِيْبًا ، وَعَمَلاً صَالِحًا زَكِيًّا ، وَعِلْمًا نَافِعًا رَافِعًا ، وَاِيْمَانًا رَاسِخًا ثَابِتًا ، وَيَقِيْنًا صَادِقًا خَالِصًا ، وَرِزْقًا حَلَالًا طَيِّبًا وَاسِعًا ، يَا ذَا الْجَلَالِ وَالْاِكْرَامِ

اللهم اَعِزَّ الْإِسْلاَمَ وَالْمُسْلِمين ، وَوَحِّدْ اللَّهُمَّ صُفُوْفَهُمْ ، وَأجْمَعْ كَلِمَتَهُمْ عَلى الْحَقِّ ، وَاَكْسِرْ شَوْكَة الظَّالِمِيْنَ ، وَاكْتُبِ السَّلاَمَ وَالْأَمْنَ لِعِبَادِكَ أجمعين

اللهم اسْقِنَا مِنْ فَيْضِكَ الْمِدْرَارِ ، وَاجْعَلْنَا مِنَ الذَّاكرين لكَ في الليلِ والنَّهَارِ ، الْمُسْتَغْفِرِيْنَ لَكَ بِالْعَشِّي والْأَسْحَارِ

اللهم أَنْزِلْ عَلينا مِنْ بَرَكات السَّماء وَأَخْرِجْ لنا من خَيْرَاتِ الأرض ، وبارك لنا في ثِمَارِنَا وَزُرُوْعِنَا يا ذا الْجَلَال والإكرام

رَبَّنَا آتِنَا فِى الـدُّنْيَا حَسَنَةً وَفِى الأَخِـرَةِ حَسَنَةً وَقِنَا عَذَابَ النيسشيَّار

رَبَّنَا لا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ

رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ

والحمد لله رب العالمين

Oleh: Marwan Salahuddin – Rektor INSURI Ponorogo

Informasi terkait:

Leave a Reply

Your email address will not be published. Required fields are marked *

Pengurus Cabang Nahdlatul Ulama PONOROGO mengimbau kepada Nahdliyin untuk senantiasa Menjaga Kesehatan, Mematuhi Instruksi, Himbauan, dan Protokol yang ditetapkan oleh Pemerintah dalam menghadapi pandemi Covid-19, termasuk tidak keluar rumah dan jaga jarak aman (Physical Distancing) agar tercapai kemaslahatan bersama, serta Memperbanyak Doa dan Amaliyah sebagaimana instruksi PBNU serta memohon pertolongan kepada Allah SWT semoga pandemi Covid-19 bisa diatasi dengan segera