Pengurus Cabang Nahdlatul Ulama PONOROGO mengimbau kepada Nahdliyin untuk senantiasa Menjaga Kesehatan, Mematuhi Instruksi, Himbauan, dan Protokol yang ditetapkan oleh Pemerintah dalam menghadapi pandemi Covid-19, termasuk tidak keluar rumah dan jaga jarak aman (Physical Distancing) agar tercapai kemaslahatan bersama, serta Memperbanyak Doa dan Amaliyah sebagaimana instruksi PBNU serta memohon pertolongan kepada Allah SWT semoga pandemi Covid-19 bisa diatasi dengan segera

NU PONOROGO

Official Website PCNU Ponorogo

PENTINGIPUN DZIKIR TERPADU – Teks Khutbah Jumat Basa Jawa NU

Teks Khutbah Jumat Basa Jawa NU
Teks Khutbah Jumat Basa Jawa NU

اَلْحَمْدُ للّهِ الْكَرِيْمِ الْمَنَّانِ, العزِيْرِ ذِيْ الْجلالِ والإِكْرامِ, صاَحِبِ الْمُلْكِ تِجَاهَ الرَّحْماَنِ, فَما الْعَبْدُ إِلاَّ نَحْواَهُ قَاصِدُ الْمَراَمِ, فَإِنَّ اللهَ يُعْطِي وَيَمْنَعُ, وَيُخْفِظُ وَيَرْفَعُ, وَيُشَتِّتُ وَيَجْمَعُ, وَيَصِلُ وَيَقْطَعُ. أشهدُ أَنْ لاَ إِلهَ إِلاَّ اللهُ الصَّانعُ, وَ أَشْهَدُ أَنَّ مُحَمَّداً عَبْدُهُ وَرسولُهُ اللَّامِعُ. اللهُمَّ صَلِّ وَسَلِّم وباَرِكْ عَلَيْهِ وعلى آلهِ وَأصْحابه. فَيَا عِبَادَ  اللهِ   أوْصِيْكُمْ  وَإِيَّايَ بِتَقْوَي  اللهِ فَقَدْ فَازَ الْمُتَّقُوْنَ. يا أيُّها الَّذِيْنَ آمَنُوْا اتَّقُوْا اللهَ حَقَّ  تُقَاتِهِ وَلاَتَمُوْتُنَّ إِلاَّ وَأَنْتُمْ مُسْلِمُوْنَ

Hadirin Jamah Jum’ah Rahimakumullah!

Gesang wonten ing alam dunyo, punopo maleh wonten ing akhir zaman, kitho kedah langkung kiyat lan kenceng anggenipun dzikir dateng Allah SWT. Dzikir dateng Allah ing ateges tansah emut dateng Allah ing kawontenan kados punopo kemawon. Gusti Allah, wonten pinten-pinten ayatipun, Dawuh:

وَلِتُكَبِّرُوْا  اللهَ  عَلَى  مَا هَدَاكُمْ  وَلَعَلَّكُمْ  تَشْكُرُوْنَ  (البقرة: ۱۸۵

“Lan supaya sira padha ngegungake Allah (kanthi takbir) saka anggone Allah wus paring pituduh marang sira, supaya sira kabeh pada syukur”.

فَإِذَا  قَضَيْتُمْ  مَّنسِكَكُمْ  فَاذْكُرُوا  اللهَ. ﴿ البقرة: ۲۰۰

“Mongko yen ibadah hajiniro iku wis siro estokake, mulo padha dzikiro sira marang Allah”[Q.S. Al-Baqarah: 200]

فَإِذَا  قَضَيْتُمُ  الصَّلاَةَ  فَاذْ كُرُوا اللهَ  قِيَاماً  وَقُعُوداً  وَعَلى  جُنُوْبِكُمْ. ﴿ النساء۱۰

“Mangka yen siro wis ngestoake anggoniro shalat, mulo podho elingo siro (krana dzikir) marang Allah ing kahanan ngadeg, lenggah, lan ing wayah teturoniro!”[Q.S. An-Nisa’: 10].

فَإِذَا  قُضِيَتِ   الصَّلاَ ةُ   فَانْتَشِرُوا  فِى  لأَرْضِ    وَابْتَغُوا  مِنْ  فَضْل اللهِ  وَذْكُرُوا  اللهَ   كثِيْراً   لَّعَلَّكُمْ   تُفْلِحُوْنَ  ﴿ الجمعة : ۱۰

“Mongko yen shalat (Jum’at) iku wis diestoake, mulapadho sumebaro siro kabeh ing lumahing bumi iki, lan padha ngupadio ing golek kautamane Allah, lan podho elingo siro marang Allah sakakeh-akehe, supoyo siro kabeh podho menang.”(Q.S. Al-Jumu’ah: 10).

Hadirin Jamah Jum’ah Rahimakumullah!

Sedaya ayat kasebat nerangaken, bilih dzikir ingkang arupi takbîr, tahlîl, tahmîd lan tasbih punika kedah tansah manjing lan dados ruhipun amal tumindak kulo lan panjenengan jer sasampunipun shiyam, sabibaripun haji, lan sasampunipun saben-saben shalat, klebet shalat Jum’ah. Sahingga kanthi mekaten Allah SWT lajeng ngendikan: “La’allakum tuflihûn”; supaya sira kabeh podho menang ing panguripane donyo lan akhirat.

Hadirin Jamah Jum’ah Rahimakumullah!

Sayangipun “La’allakum tuflihûn” (predikat menang) punika taksih tebih sanget saking kawontenanipun umat Islam piyambak. Kenging punopo umat Islam puniko jer taksih kemawon kados mekaten kawontenannipun? Ibaratipun mobil, sejatosipun pabrikipun sampun nerangaken kanthi buku petunjuk service utawi manual ingkang jangkep; kados pundi kito kedah ngrumat mobil kanthi sahe, kapan olinipun kedah dipun ganthos, lisahipun bensin punopo solar, lan aturan-aturan keamananipun ugi sampun dipun terangaken kanthi cetha.

Nanging, “Mobil Umat” puniko taksih kemawon dereng saget mlampah kanthi samesthinipun.  “Mobil Umat” puniko lampahipun malah keporo soyo mundur, sahinggo poro Da’i lan Mubaligh kawontenanipun namung dados ganjel, supados munduripun “Mobil Umat”puniko kalawahu boten soyo banter lan mbablas. Kahanan ingkang kados mekathen puniko kranten awit dzikiripun dumateng Alloh taksih pedhot-pedhot, utaminipun wonten ing babakan dzikir ‘amalî, dzikir ing salebetipun amal tumindak.

Hadirin Jamah Jum’ah Rahimakumullah!

Amal tumindak ingkang mboten nderek tatanan lan tuntunanipun utawi syariatipun Allah SWT lan Rasulullah saw, saget dipun wastani dzikir ingkang pedhot. Katahipun partai ingkang namung mburu kekuasaaning bandha dunyo, dagang ingkang mboten mawi pedhoman halal-haram, lan punopo dene cara gesang ingkang namung ngoyak-ngoyak gebyaring nafsu. Ulama mboten pikantuk panggenan. Panggenanipun ulama namung ing pojok-pojokipun kekuasaan. Tugasipun namung kados “Tukang Stempel” kangge ngamini keputusan-keputusan pemerintah, lan mboten nggadhahi panguwaos punapa-punapa ing madyaning urusan negari lan bangsa.

Sedaya kalawahu nedhahaken dhateng garing lan pedhotipun dzikir ‘amalî dhumateng Allah. Dzikir, saumpamia wonten, namung winates wonten ing dzikiripun lisan, nanging dzikir amalipun pedhot lan mboten nyambet dhumateng Allah. Pramilo mboten aneh, menawi mayoritasipun umat Islam jer taksih kathah ingkang bodho-bodho, miskin-miskin, ringkah lan mboten anggadahi daya. Dipun semoni mboten kraos, dipun wucal mboten sadhar-sadhar, lan dipun jajah dening bangsa sanes ugi mboten rumahos.

Hadirin Jamah Jum’ah Rahimakumullah!

          Pramilo monggo kito ginaaken kesempatan gesang  puniko kagem ningkataken kualitas lan kuantitas dzikir kitho dumateng Allah SWT., supados kito pikantuk kabejan lan kemenangan ingkang hakiki dhahiran wa bathinan, fiddini waddunya wa al-akhirah….!

إنَّ اَحْسَنَ الْكَلاَمِ كَلاَمُ اللّهِ الْمَلِكِ الْعَلاَّمِ. وَاللّهُ سُبْحَانَهُ وَتَعَالى يَقُوْلُ وَبِقَوْلِهِ يَهْتَدِى الْمُهْتَدُوْنَ وَإذَا قُرِأَ الْقُرأنُ فَاسْتَمِعُوْا لَهُ وَاَنْصِتُوْا لَعَلَّكُمْ تُرْحَمُوْنَ. أَعُوْذُ بِاللّهِ مِنَ الشَّيْطَانِ الرَّجِيْمِ مَنْ عَمِلَ صَالِحًا فَلِنَفْسِهِ وَمَنْ أَسَاءَ فَعَلَيْهَا وَمَا رَبُّكَ بِظَلاَّمِ لِلْعَبِيْدِ. بَارَكَ اللّهُ لِى وَلَكُمْ فِى الْقُرأنِ الْعَظِيْمِ وَنَفَعَنِي وَإيَّكُم بِمَا فِيْهِ مِنَ الآيَاتِ وَالذِّكْرِ الْحَكِيْمِ وَتَقَبَّلْ مِنِّى وَمِنْكُمْ إنَّهُ هُوَ السَّمِيْعُ الْعَلِيْمُ.

اَلْخُطْبَة  الثانِيَةُ

اَلْحَمْدُ لِلَّهِ حَمْدًا كَثِيْرًا كَمَا اَمَرَ وَاَشْهَدُ اَنْ لاَ إِلَهَ إلاَّ اللّهُ وَحْدَهُ لاَشَرِيْكَ لَهُ اِرْغَامًا لِمَنْ جَحَدَ وَكَفَرَ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ سَيِّدُ الإِنْسِ وَالْبَشَرِ اللّهُمَّ صّلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ مَااتَّصَلَتْ عَيْنٌ بِنَظَرٍ وَأذُنٌ بِخَبَرٍ أمَّا بَعْدُ.

فَيَا أَيُّهَا النَّاسُ إِتَّقُوْا اللّهَ تَعَالَى وَذَرُوْا الْفَوَاحِشَ مَاظَهَرَ مِنْهَا وَمَا بَطَنَ وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَاعْلَمُوْا أَنَّ اللّهَ أَمَرَكُمْ بِأَمْرٍ بَدَأَ فِيْهِ بِنَفْسِهِ, وَثَنَّى بِمَلاَئِكَةِ قُدْسِهِ, فَقَالَ تَعَلَى وَلَمْ يَزَلْ قَائِلاً عَلِيْمًأ. إِنَّ اللّهَ وَمَلاَئِكَتَهُ يُصَلُّوْنَ عَلَى النَّبِىِّ يَااَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْماً. اللّهُمَّ  صَلِّ  وَسَلِّمْ   عَلَى  هذاَ  النَّبِيِّ  الْكَرِيْمْ  مُحَمَّدٍ  وَعَلَى  آلِهِ     وَ أَصْحَابِهِ   أَجْمَعِيْن.    وَالْحَمْدُ للهِ  رَبِّ  الْعَالَمِيْنَ. اللّهُمَّ  اغْفِرْ  لِلْمُؤْ مِنِيْنَ  وَالْمُؤْمِنَاتِ, وَالْمُسْلِمِيْنَ  وَالْمُسْلِمَاتِ, اَلْأَ حْيَاءِ  مِنْهُمْ  وَالْأَمْوَاتِ  إِنَّكَ  سَمِيْعٌ  قَرِيْبٌ  مُجِيْبُ  الدَّعَوَاتِ  يَا قَاضِيَ  الْحَاجَاتِ. اَللَّهُمَّ  أَعِنَّا عَلَى  ذِكْرِكَ  وَشُكْرِكَ  وَحُسْنِ  عِبَادَتِكَ. اَللَّهُمّ  اصْلِحْ  لَنَا  دِيْنَنَا  الَّذِى  هُوَ  عِصْمَةُ  أَمْرِنَا, و  اصْلِحْ  لَنَا  دُنْيَانَا الَّتِي  فِيْهَا مَعَاشُنَا, و  اصْلِحْ  لَنَا   آخِرَتَنَا الَّتِي  إِلَيْهَا  مَعَادُنَا, وَاجْعَلِ  الْحَيَاةَ  زِيَادةً  لَنَا فِي  كُلِّ  خَيْرٍ,  وَاجْعَلِ  الْمَوْتَ  رَاحَةً  لَنَا  مِنْ  كُلِّ  شَرٍّ. اللَّهُمَّ  احْسِنْ   عَاقِبَتَنَا فِى الأُمُوْرِ  كُلِّهَا وَأجِرْنَا مِنْ خِزْيِ  الدُّنْيَا  وَعَذَابِ  الْآخِرَةِ. رَبَّنَا   آتِنَا مِنْ  لَدُنْكَ  رَحْمَةً  وَهَيِّءْ  لَنَا  مِنْ  أَمْرِنَا  رَشَداً. رَبَّنَا آتِنَا  فِى  الدُّنْيَا حَسَنَةً  وَفِى الْآخِرَةِ   حَسَنَةً  وَقِنَا  عَذَابَ  النَّارِ. سُبْحَانَ رَبِّكَ  رَبِّ  الْعِزَّةِ  عَمَّا يَصِفُوْنَ وَسَلاَمٌ عَلَى الْمُرْسَلِيْنَ وَالْحَمْدُ للّهِ رَبِّ الْعَالَمِيْنَ

Informasi terkait:

Tinggalkan Balasan

Alamat email Anda tidak akan dipublikasikan. Ruas yang wajib ditandai *