السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْه ُ فَلاَ هَادِيَ لَهُ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ صَلِّ عَلَى سيدنا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ.

اما بعـد

قال الله تعالى: اَعُوْذُ بِاللهِ مِنَ الشَّيْطَانِ الرَّجِيْمِ. يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. وقَالَ اللهُ تَعَالى اِنَّآ اَعْطَيْنٰكَ الْكَوْثَرَۗ فَصَلِّ لِرَبِّكَ وَانْحَرْۗ اِنَّ شَانِئَكَ هُوَ الْاَبْتَرُ

Kaum muslimin sidang jum’at rahimakumullah

Wonten ing wekdal ingkang tuhu prayogi punika, sumangga kita nggiyataken katakwaan kita dhumateng Allah SWT, kanthi margi imtisaalu al-awaamir wa ijtinaabu an-nawaahi (anglampahi sadaya parintahipun Allah SWT lan nebihi punapa ingkang dados awisan-awisanipun). Kedah den kawruhi, boten wonten samubarang ingkang langkung prayogi ing ngarsaDalem Allah SWT, kajawi namung takwa kita dhumateng Allah SWT.

Kaum muslimin sidang Jum’at rahimakumullah

Nindakaken ngibadah kurban punika minongka jejibahan tumrap titahing Allah. Sadaya abdining Gusti anggadhahi jejibahan angurbanaken sedaya kagem Gustinipun. Kados ta angurbanaken saperangan wekdalipun kagem nindakaken sholat. Ugi anggadhahi jejibahan ngurbanaken saperangan saking bandhanipun minongka jakat lan kangge tindak haji. Ugi, kedah nglampahi jejibahan arupi ngurbanakan kasukan kanthi lampah cegah dhahar lawan saresmi nalika anindakaken ngibadah siyam ing wanci Wulan Ramadhan. Wosipun makaten, sadaya titah sawantah punika kedah nindakaken ngibadah kurban.

Wonten wekdal sapunika, kita badhe angandharaken bab kurban ingkang langkung mirunggan ingkang kajumbuhaken kalihan tanggal miwah kadadosan ingkang mirunggan ugi nenggih Wulan Dzulhijjah dalasan dinten Tasyriq inggih tanggal kaping 10, 11, 12 lan 13. Ngibadah Kurban  punika ngibadah ingkang amung kalampahan wonten ing wekdal kasebat. Allah SWT sampun paring dhawuh pangandika wonten ing al-Qur’an, ungelipun makaten.

اِنَّآ اَعْطَيْنٰكَ الْكَوْثَرَۗ فَصَلِّ لِرَبِّكَ وَانْحَرْۗ اِنَّ شَانِئَكَ هُوَ الْاَبْتَرُ

Artosipun: (He Mukhammad) Ingsun paring bengawan kang aran Kaotsar marang sira. Mulane sira sembahyanga riaya, lan nyembeleha kurban. Satemene wong kang sengit ing sira iku wong kang pedhot becike. (QS. Al-Kautsar, 1-3).

Ayat kalawau dipun kiyati dening satunggal hadis, ungelipun makaten.

   مَنْ كَانَ لَهُ سَعَةٌ وَلَمْ يُضَحِّ, فَلَا يَقْرَبَنَّ مُصَلَّانَا

Artosipun: Sing sapa wonge katemben aneng kalodhangan (bab harta) ananging nora gelem anindakake ngibadah kurban maka aja  pisan-pisan nyedhaki papan panggonan sembahyange kita.” (HR. Ibnu Majah (3123), Ahmad (2/321), al-Hakim (4/349), ad-Daruquthni (4/285), al-Baihaqi (9/260).

Dalil kekalih kalawau minongka dhasaran tumrap madzhab Hanafi kagem hanyatakaken ing yenta ngibadah Kurban  punika  WAJIB hukumipun tumrap sok sinten ingkang kuwawi nindakaken kurban lan boten saweg tetindakan.

Miturut madzhab Syafi’i, hukuming Kurban  sanes wajib, ananging sunnah muakkadah. Kados ingkang sampun dipun lampahi dening Abu Bakar lan Umar minongka bukti bilih kurban  punika boten wajib. Abu Bakar lan Umar nate boten nindakaken ngibadah kurban. Boten kurbanipun Abu Bakar punika ngemu suraos supados Kurban punika boten den anggep wajib dening para umat. Madzhab Syafi’i ugi anggadhahi pamanggih bilih hadis ingkang dipun riwayataken dening Imam Tirmidzi (aku den prentah supaya nindakake kurban  lan kurban  iku sunnah ingatase sira kabeh) saha Imam Daruquthni (den wajibake ing atasku nindakake kurban  lan ora den wajibake tumrap sira kabeh) punika angandharaken bilih Kurban  punika ibadah  wajib menggah Rasulullah SAW kewala, boten kawajibaken menggah umate. Tumrap umat Islam, kurban  punika amung sunnah.

Hukum Wajib miturut madzhab hanafi lan Sunnah Muakkadah miturut madzhab syafi’i ngemu suraos tigang perkawis.

Sapisan, ngibadah Kurban  punika ngibadah ingkang wigatos. Wonten salebeting hadis sampun katrangaken bilih sautama-utamaning amalan rikala dinten ariaya ‘idul adha inggih punika iroqutud dam (mragat hewan kurban ). Pramila saking punika, supados kita boten nyimpang saking hadis Rasul ing nginggil, sayogyanipun inggih nindakaken kurban. Kita sisihaken saperangan harta kagungan kita kagem sarana nindakaken kurban  ing dinten riyaya. Langkung-langkung manawi sampun sesemahan, miturut madzhab syafi’i kaprayogekaken nindakaken kurban  minongka nglampahi sunnah kifayah ateges sunnah nalika wonten ing satunggaling kulawarga wonten ingkang nindakaken utawi anglampahi maka hukum sunnah kalawau karampungaken. Cobi dipun emut, punapa ingkang sampun kadhawuhaken dening Ibnu ‘Abbas bab Kurban  puniki. Lamun sadhengah pawongan boten kuwawi kurban  sarana domba utawi menda, prayoganipun ing dinten ariyaya ‘Idul adha nindakaken kurban  sanadyan namung sarana ayam, itik, kelinci lan sanes-sanesipun minongka wujud iraqotud dam.

Kaping kalih, ngibadah Kurban  punika minongka wujud kesadaran ing yen ta manungsa amung titah sawantah ingkang boten anggadhahi punapa-punapa lan boten anggadhahi daya kuwasa punapa-punapa. Kedah dipun emut-emut lelampahanipun tiyang kekalih ingkang sampun nindakaken kurban ing ngarsaning Allah neggih Habil,  Nabi Adam kang putra ingkang sampun karsa ngurbanaken domba ingkang paling sae piyambak, sarta pangorbananipun Nabi Ibrahim ingkang tansah pasrah sumarah mring titahing Allah supados ngurbanaken putranipun ingkang paling dipun trensani piyambak, Ismail, nadyan ta ing wusana Ismail kagantos domba dening Allah SWT. Cariyos kekalipun kalawau minongka piwulang tumrap kita. Sumangga kita ngurbanaken bandha donya kita kagem Allah SWT. Sumangga ngorbanaken wekdal kita kagem nindakaken sholat berjama’ah. Sumangga kita ngorbanaken wekdal kagem ningali TV kagem maos ayat-ayat al-Qur’an. Sumangga kita ngorbanaken wekdal sare kita kagem munajat ndhedheple wonten ngarsaning Allah SWT wanci tengahing ratri.

Kaping tiga, samangsanipun kita sampun nindakaken kurban, sayogyanipun sadaya daging kaparingaken mring tiyang miskin utawi ugi pareng marang tiyang sugih. Sanadyan ta kita kaparengaken nedha dumugi sapratelon saking dagingipun, ananging ingkang langkung prayogi namung mundhut sacekapipun utawi wonten tembung fiqh, sinebat luqmatun utawi luqoimaatun (satunggal pulukan atau pinten-pinten pulukan alit) minongka sarana kaalap sawab barokah saking ngibadah kurban  kasebut. Ingkang langkung utami kagem sarana den alab barokahipun inggih punika peranganing atinipun hewan kurban.  Awit nuladha Rasulullah SAW (ittiba’urrasul) lan nedya supados kita saged mlebet swargi langgeng lan sagen ngrahapi wiwitaning tetedhan ingkang kaparingaken maring warganing swarga inggih punika ati (tafaaulan). Kenging punapa sayogyanipun sedaya daging kakurbanaken lan amung sakedhik ingkang katedha piyambak? Supados kita tuhu-tuhu ikhlas anggenipun nindakaken kurban minongka kapentinganipun Allah SWT.

Kaum muslimin sidang jum’at Rohimakumullah

Ing pangajab mugya kita saged nindakaken kurban kalawan kurban ing sayektosipun, ateges kurban kalawan hewan ingkang sampun katemtokaken ing angger-anggering agami sarta kurban kalawan surasa ingkang langkung wiyar kados dene ingkang sampun kaandharaken.

جَعَلَ اللهُ وَاِيَّاكُمْ مِنْ الْفَائِزِيْنَ الْامِنِيْنَ وَاَدْخَلَنَا وَاِيَّاكُمْ فِى زُمْرَةِ الْمُؤْمِنِيْنَ وَالْمُتَّقِيْنَ.

اَعُوْذُ بِاللهِ مِنَ الشَّيْطَانِ الرَّجِيْمِ. وَمَنْ يَشْكُرْ فَاِنَّمَا يَشْكُرُ لِنَفْسِهِ, وَمَنْ كَفَرَ فَاِنَّ اللهَ غَنِيٌّ عَنِ الْعَالَمِيْنَ. وَقُلْ رَبِّ اغْفِرْ وَارْحَمْ وَاَنْتَ خَيْرُ الرَّاحِمِيْنَ.

اَلْخُطْبَةُ الُثَّانِيَةُ

اَلْحَمْدُ لِلّهِ ضَامِنِ الْفَلَاحِ لِمَنْ تَمَسَّكَ بِالشَّرْعِ وَوَقَفَ عِنْدَ حُدُوْدِهِ. اَللّهُمَّ صَلِّ وَسَلِّمْ عَلى سَيِّدِنَا مُحَمَّدٍ وَعَلى الِهِ وَاَصْحَابِهِ وَسَلِّم تَسْلِمًا كَثِيْرًا.

اَمَّابَعْدُ : فَيَآ اَيُّهَا النَّاسُ !

اِتَّقُوا اللهَ وَاَبْدِلُوا الْفَسَادَ بِالرَّشَادِ. وَاَصْلِحُوا شُؤُوْنَكُمْ وَقُوْمُوْا عَلى قَدَمِ السَّدَادِ. فَاِنْ تَوَلَّيْتُمْ فَاعْلَمُوْا اَنَّما عَلى رَسُوْلِنَا الْبَلَاغُ الْمُبِيْنُ. اللّهُمَّ صَلِّ وَسَلِّمْ عَلى سَيِّدِنَا مُحَمَّدٍ وَعَلى الِهِ وَصَحْبِهِ وَالتَّابِعِيْنَ وَارْضَ عَنَّا مَعَهُمْ بِرَحْمَتِكَ يَااَرْحَمَ الرَّحِمِيْنَ.

اللّهُمَ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِينَ وَالْمُسْلِمَاتِ اَلْاَحْيَاءِ مِنْهُمْ وَالْاَمْوَاتِ وَارْفَعْ لَهُمُ الدَّرَجَاتِ وَضَاعِفْ لَهُمُ الْحَسَنَاتِ وَكَفِّرْ عَنْهُمُ السَّيِّئَاتِ وَبَلِّغْ جَمِيْعَ الْمُسْلِمِيْنَ مِنْ خَيْرَيِ الدَّارَيْنِ مَا يُؤَمِّلُوْنَ وَانْشُرْ وَافِرَ اِحْسَانِكَ عَلٰى بَلْدَتِنَا هذِهِ وَسَا ئِرِ بِلَادِ الْاِسْلَامِ.

رَبَّنَا اغْفِرْ لَنَا وَلِاِخْوَانِنَا الَّذِيْنَ سَبَقُوْنَا بِالْاِيْمَانِ وَلَا تَجْعَلْ فِى قُلُوْبِنَا غِلًّا لِلَّذِيْنَ امَنُوْا رَبَّنَا اِنَّكَ رَؤُوْفٌ رَحِيْمٌ.

اِنَّ اللهَ يَأْمُرُ بِالْعَدْلِ وَالْاِحْسَانِ وَاِيْتَاءِ ذِى الْقُرْبى وَيَنْهى عَنِ الْفَخْشآءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرْنَ. وَاذْكُرُوا اللهَ الْعَظِيْمَ يَذْكُرْكُمْ وَاشْكُرُوْهُ عَلى نِعَمِهِ يَزِدْكُمْ وَاسْأَلُوْهُ مِنْ فَضْلِهِ يُعْطِكُمْ وَلَذِكْرُ اللهِ اَكْبَرُ. وَاللهُ يَعْلَمُ مَا تَصْنَعُوْنَ.

Dr. Iswahyudi, M.Ag
Ketua Aswaja Center NU Ponorogo