NU PONOROGO

Official Website PCNU Ponorogo

Teks Khutbah Jumat Singkat NU – Mapak Riyoyo Idul Adha – Basa Jawa

Teks Khutbah Jumat Singkat NU - Mapak Riyoyo Idul Adha - Basa Jawa
Teks Khutbah Jumat Singkat NU – Mapak Riyoyo Idul Adha – Basa Jawa

اَلسَّلاَمُ عَلَيْكُمْ وَرَحْمَةُ الِلّٰهِ وَبَرَكَاتُهُ

 اَلْحَمْدُ للّٰه الَّذِيْ أَرْسَلَ رَسُوْلَهُ بِالْهُدَى وَدِيْنِ الْحَـقِّ لِيُظْهِرَهُ عَلَى الدِّيْنِ كُلِّهِ وَلَوْ كَرِهَ الْمُشْرِكُوْنَ ، أَشْهَدُ أَنْ لَا اله إِلاَّ اللّٰه وَأَشْهَدُ أَنَّ مُحَمَّدًا رَسُوْلُ اللّٰه. اَللّٰهُـمَّ صَلِّ عَلَى سَيِّدِنَا مُحَمَّدٍ وَعَلَى أله وَأَصْحَابِهِ أَجْمَعِيْنَ. أَمَّا بَعْدُ: فَيَا عِبَادَ الِلّٰهِ، أُوْصِيْنِيِ نَفْسِيْ وَإِيَّاكُمْ بِتَقْوَى اللّٰهِ، فَقَدْ فَازَ الْمُتَّقُوْنَ. وقَالَ تَعالَى يَا اَيُّهَا الَّذِيْنَ آمَنُوْا اتَّقُوْا اللّٰهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ. صَدَقَ اللّٰهُ العَظِيمُ

Jamaah Jum’ah Ingkang Minulyo

Sumonggo kito tansah ninggkatataken taqwa dumateng Allah SAW kanti ngelampahi sedoyo perintah-perintah ipun soho nebihi sedoyo awisan-awisan ipun. Lan sampun ngantos kito benjang pejah kejawi netepi agami Islam.

Jamaah jum’ah ingkang minulyo…

Perlu dipun mangertosi bilih, sak meniko kito takseh wonten lebet ipun salah setunggal ipun wulan ingkang agung, wulang ingkang mulyo inggih meniko wulan Dzul Hijjah. Wulan Dzul Hijjah meniko salah setunggalipun wulan saking sekawan wulan ingkang dipun wastani Asyhurul Hurum, yakni wulan-wulan ingkang dipun mulyaaken deneng Allah. Ateges sekawan wulan meniko, Allah paring keistimewaan-keistimewaan ingkang mboten dipun paring aken dateng wulan-wulan lintunipun.

Dipun dawuh aken dateng kitab Nuzhatul Majalis karya saking syekh Abdurrohman bin ‘Abdissalam bin ‘Abdirrohman bin ‘Ustman al-Syafi’i bilih, wulan Dzul Hijjah meniko dipun mulyaaken deneng Allah lantaran wonten syariat arupi poso ‘Arofah. Wonten wulan Dzul Hijjah, Allah mulyaaken dateng sekawan Nabi, inggih meniko sepindah, Allah nampi taubat ipun nabi Adam; nomer kalih, Allah paring dawuh secara langsung dateng nabi Musa wonten gunung Thur; nomer tigo, Allah paring kamulyan dateng nabi Muhammad nyempurnaaken Rukun Islam kanti Hajji, lan ingkang terakhir, naliko nabi Ibrohim nyembelih nabi Ismail selajeng Allah ngijoli kaliyan wedus, ugi terjadi wonten wulan Dzul hujjah.

Magayutan kaliyan keitimewaan ipun wulan Dzul Hujjah, dipun dawuh aken maleh dateng kitab Nuzhatul Majalis, bilih Kanjeng Nabi dawuh:

“مَنْ صَامَ يَوْمَ التَّرْوِيَةِ  أَعْطَاهُ اللّهُ ثَوَابَ أَيُّوبَ عَلَيْهِ السَّلامُ عَلَى بَلاَئِهِ, وَمَنْ صَامَ يَوْمَ عَرَفَةَ أَعْطَاهُ اللَّهُ ثَوَابًا مِثْلَ ثَوابِ عِيْسَى عَلَيْهَ السَّلامُ

Artosipun: “Sopo wonge poso dino Tarwiyah mongko Allah aweh ganjaran koyo ganjarane nabi Ayub AS naliko oleh cobo, lan sopo wonge poso dino ‘Arofah, Allah paring ganjaran koyo ganjarane nabi ‘Isa AS”.

Imam al-Rozi dawuhaken bilih, tanggal 8 saking wulan Dzul hijjah meniko dipun wastani Tarwiyah, wondenten tanggal 9 dzul Hijjah dipun wastani dinten ‘Arofah. Magayutan kaliyan utomo nipun dinten Tarwiyah ugi dinten ‘Arofah, taksih mundut katerangan saking kitab Nuzhatul Majalis:

عَنْ عَائِشَةَ رَضِيَ اللّهُ عَنْهَا: عَنِ النَّبيِّ صلّى اللّه عليه وسلّم  قال: “إنَّ فِي الجَنّةِ قُصُورًا مِنْ دُرٍّ وَيَاقُوْتٍ وزَبَرْجِدٍ وَذَهَبٍ وَفِضَّةٍ ” قُلْتُ : يَارَسُولَ اللّهِ لِمَنْ هِيَ؟ قَالَ : ” لِمَنْ صَامَ يَوْمَ عَرَفَةَ, يَاعَائِشَةَ: مَنْ أَصْبَحَ صَائِمًا يَوْمَ عَرَفَةَ فَتَحَ اللّهُ عَلَيْهِ ثَلاثِيْنَ بَابًا مِنَ الخَيْرِ وَأغْلَقَ عَنْهُ ثَلاثِينَ بَابًا مِنَ الشَّرِّ, فَإِذَا أَفْطَرَ وَشَرِبَ اْلمَاءَ اسْتَغْفَرَ لَهُ كُلُّ عِرْقٍ فِي جَسَدِهِ”.

Artosipun: “Dipun riwayat aken saking sayidah ‘Aisyah RA, mundut dawuh saking Kanjeng Nabi Muhammad SAW bilih: “Sak temene ono suwargo iku ono Istana-istana soko mutioro, soko Yaqut/permoto, soko Zamrud, emas lan soko perak”. Nuli ingsun matur marang kanjeng nabi: “Ya Rosul, kagem sinten Istana-istana kolowau?” Kanjeng Nabi njawab: “Kanggo wong seng poso ‘Arofah. Hee ‘Aisyah, sopo wonge poso dino ‘Arofah mongko Allah mbukak marang dewe’e 30 lawang kebagusan lan Allah nutup marang dewe’e.30 lawang kealanan. Lan naliko dewe’e buko, nuli ngombe mongko sekabehane keringet seng ono awake, njalukno ngapuro marang dewe’e”.

Wonten katerangan maleh magayutan kaliyan dinten ‘Arofah, inggih meniko:

وعَنِ الفَضَلِ ابْنِ اْلعَبَّاسِ رضي اللّه عنه عَنِ النبيِّ صلّى اللّه عليه وسلّم قال: ” مَنْ حَفِظَ لِسَانَهُ وَسَمْعَهُ وَبَصَرَهُ يَوْمَ عَرَفَةَ غُفِرَلَهُ إِلَى عَرَفَةَ”.

Artosipun, dipun riwayat aken saking sohabat Fadlol ibnil ‘Abbas RA, saking Kanjeng Nabi Muhammad SAW, “Sopo wonge ngrekso lisane, kupinge lan mripate ing dalem dino ‘Arofah mongko doso-dosone wong mau dingapuro deneng Allah tumeko ‘Arofah kang bakal teko”.

Mundut dawuh saking hadits kolowau, kangge nggayuh fadilah ingkang agung kados mekaten kolowau, monggo, milai sak meniko kito sami belajar ngrekso lisan, ngrekso kuping, soho peningal kito, sampun ngantos mripat, kuping soho lisan meniko terbiasa dipun ginaaken kangge perkawis-perkawis ingkang mboten dipun remeni kaliyan Allah, malah-malah nyebab aken bendune Allah. Perkawis-perkawis ingkang nyebab aken bendune Allah, kados dene goroh/mblituk, nggunem alane liyan/ngrasani, mirengne utawi ningali perkawis-perkawis ingkang dipun larang deneng agami, lan lintu-lintunipun. Monggo poro jamaah, Perkawis-perkawis kolo wau sami kito gatosaken langkung-langkung wonten dinten Tarwiyah lan ‘Arofah.

Jamaah Jum’ah Ingkang Minulyo

Kemuliaan Wulan Dzul Hijjah, Sak lintunipun kerono wonten ipun dinten Tarwiyah soho dinten ‘Arofah, wulan dzul Hijjah saget Itimewa lan mulyo meniko amargi tanggal 10 Dzul Hijjah meniko merupakan dinten Riyoyo nipun umat Islam, ingkang dipun wastani kaliyan ‘Idul Adha utawi Riyoyo Qurban. Saking mulyo nipun Riyoyo Idul Adha, katah sanget amaliah-amaliah ingkang menawi dipun lampahi pikantuk ganjaran soho piwales ingkang mboten sak mestinipun, mboten sami kaliyan menawi dipun lampahi wonten sak lintunipun dinten Idul Adha. Salah setunggal ipun amaliah ingkang paling dipun remeni kaliyan Allah wonten dinten Riyoyo Qurban inggih meniko BERQURBAN utawi mbelih hewan Qurban. Dipun dawuh aken wonten kitab Sunan Turmudzi bilih:

مَا عَمِلَ أَدَمِيٌ مِنْ عَمَلٍ يَوْمَ النَّحْرِ أَحَبَّ إِلىَ اللّهِ مِنْ إِهْرَاقِ الدَّمِ  إِنَّهَا لَتَأتِي يَوْمَ اْلقِيَامَةِ بِقُرُونِهَا وَأَشْعَارِهَا وَأَظْلَافِهَا وَأنَّ الدّمَ لَيَقَعُ مِنَ اللَّهِ بِمَكَانٍ قَبْلَ أَنْ يَقَعَ مِنَ اْلأَرْضِ فَطِيْبُوا بِهَا نَفْسًا

Artosipun: “Ora ono ngamale anak-putune Nabi Adam, ing dalem dino riyoyo Qurban kang den demeni Allah katimbang ngile’aken getih yakni mbelih hewan qurban. Sak temene, mbesok ing dalem dino Qiyamat, hewan-hewan Qurban iku teko lengkap kanti sungune, wulune lan kuku-kukune. Sak temene, ganjarane Qurban iku wus tumeko marang Allah sak durunge getihe hewan Qurban mau tumetes marang tanah. Mulo, mbagusono ati siro kabeh”. (HR. Imam Turmudzi).

Magayutan kaliyan fadilah ipun Qurban, Syekh Abdul Qodir Jailani dawuh wonten karyanipun al-Ghunyah (الغنية) bilih: “Nabi Dawud Matur dateng Allah: “Ya Allah, punopo piwalese umat ipun Nabi Muhammad SAW ingkang kerso Qurban?”, selajeng Allah njawab:

ثَوَابُهُ أَنْ أُعْطِيَهُ بِكُلِّ شَعْرَةٍ عَلىَ جَسَدِهَا عَشْرَ حَسَنَاتٍ وَأَمْحُوْ عَنْهُ عَشْرَ سَيِّئَاتٍ وَأَرْفَعُ لَهُ عَشْرَ دَرَجَاتٍ أَمَا عَلِمْتَ يَا دَاوُدُ أَنَّ الضَّحَايَا هِيَ اْلمَطَايَا وَأنَّ الضَّحَايَا تَمْحُوْ اْلخَطَايَا

Artosipun: “Piwalese yoiku, wong mau tak wei ingdalem saben-saben rambut saking hewan Qurbane, 10 kebagusan, tak lebur 10 kealanan lan tak angkat derajate kanti 10 derajat. Weruho siro He.. Nabi Dawud:

أَنَّ الضَّحَايَا هِيَ اْلمَطَايَا وَأنَّ الضَّحَايَا تَمْحُوْ اْلخَطَايَا artosipun “Sak temene hewan Qurban iku dadi Tumpaan, lan sak temene hewan Qurban iku nglebur doso-doso lan kealanan”.

Jamaah Jum’ah ingkang minulyo, ningali dawuh-dawuh dateng nginggil kolowau, sami ugi magayutan kaliyan siyam Tarwiyah soho ‘Arofah, ugi kautamaan ipun Qurban, monggo kito sami ‘azam, sami niyat wonten manah, nglempahi sedoyo kolowau kanti sak kiyat-kiyat ipun. Ingkang kagungan, monggo sami Qurban, sami ugi kaliyan mendo/wedus utawi kaliyan sapi utawi kebo. Qurban meniko hukum ipun Sunah Muakkad ateges sunah ingkang sangat dianjurkan dateng agami. Senajan hukum ipun Sunah Muakkad, ananging menggah ipun madzhab Hanafi, wonten kitab al-Fiqh ‘ala Madzahib al-Arba’ah karya al-Jaziri, mboten Qurban kangge tiyang ingkang kuwoso meniko ndados aken mboten pikantuk syafaat ipun Kanjeng Nabi Muhammad SAW.

أَعُوذُ بالله من الشيطان الرجيم    فَمَنْ يَعْمَلْ مِثْقَالَ ذَرَّةٍ خَيْرًا يَرَاهُ    ومَنْ يَعْمَلْ مِثْقَالَ ذَرَّةٍ شَرًّا يَرَاهُ      وقُلْ رَبِّ اغْفِرْ وَأرْحَمْ وَأَنْتَ خَيْرُ الرَّاحِمِيْنَ

Khutbah II

اَلْحَمْدُ لِلّٰهِ نَحْمَدُهُ وَنَسْتَعِيْنُهُ وَنَسْتَغْفِرُهْ، وَنَعُوذُ بِالِلّٰهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللّٰهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. أَشْهَدُ أَنْ لاَ إِلَهَ اِلَّاللّٰه وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لَانَبِيَ بَعْدَهُ. اَللّٰهُـمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَاَصْحَابِهِ اَجْمَعِيْنَ.أَمَّا بَعْدُ. فَيَا عِبَادَ الِلّٰهِ! اِتَّقُوْا اللّٰهَ حَقَّ تُقَاتِهِ وَلَا تَمُوْتُنَّ إِلاَّ وَأَنْتُمْ مُسْلِمُوْنَ.

قَالَ اللّٰهُ تَعاَلَى فِى كِتَابِهِ الْكَرِيْمِ: أَعُوْذُ بِالِلّٰهِ مِنَ الشَّيْطَانِ الرَّجِيْمِ. بِسۡمِ ٱلِلّٰهِ ٱلرَّحۡمَٰنِ ٱلرَّحِيْمِ. إِنَّ اللّٰهَ وَمَلَآئِكَتَهُ يُصَلُّوْنَ عَلىَ النَّبِى يَآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللّٰهُـمَّ صَلِّ عَلَى مُحَمَّد عَبْدِكَ وَرَسُوْلِكَ كَمَا صَلَّيْتَ عَلٰى اِبْرَاهِيْمَ وَبَارِكْ عَلٰى مُحَمَّدٍ وَعَلٰى اٰلِ مُحَمَّدٍ كَمَا بَارَكْتَ عَلٰى اِبْرَاهِيْمَ وَعَلٰى اٰلِ اِبْرَاهِيْمَ فِى الْعَالَمِيْنَ اِنَّكَ حَمِيْدٌ مَجِيْدٌ.

اَللّٰهُـمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلْاَحْيَآءِ مِنْهُمْ وَاْلاَمْوَاتِ. اَللّٰهُـمَّ اِنَّانَسْأَلُكَ سَلَامَةًفِى الدِّيْنِ، وَعَافِيَةً فِى الْجَسَدِ وَزِيَادَةً فِى الْعِلْمِ وَبَرَكَةً فِى الرِّزْقِ وَتَوْبَةَ قَبْلَ الْمَوْتِ وَرَحْمَةً عِنْدَالْمَوْتِ وَمَغْفِرَةً بَعْدَالْمَوْتِ، اَللّٰهُـمَّ هَوِّنْ عَلَيْنَا فِيْ سَكَرَاتِ الْمَوْتِ وَالنَّجَاةَ مِنَ النَّارِ وَالْعَفْوَ عِنْدَ الْحِسَابِ. اَللّٰهُـمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتَنِ وَاْلمِحَنِ، مَا ظَهَرَ مِنْهَا وَمَا بَطَنَ، عَنْ بَلَدِنَا اِنْدُونِيْسِيَّا خَآصَّةً وَسَائِرِ اْلبُلْدَانِ الْمُسْلِمِيْنَ عَآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ.

عِبَادَالِلّٰهِ ! إِنَّ اللّٰهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَالْمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللّٰهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ الِلّٰهِ اَكْبَرْ.

Slamet Arofik, M.H.I
Dosen STAI Darussalam Krempyang Nganjuk

Informasi terkait:

Leave a Reply

Your email address will not be published. Required fields are marked *

Pengurus Cabang Nahdlatul Ulama PONOROGO mengimbau kepada Nahdliyin untuk senantiasa Menjaga Kesehatan, Mematuhi Instruksi, Himbauan, dan Protokol yang ditetapkan oleh Pemerintah dalam menghadapi pandemi Covid-19, termasuk tidak keluar rumah dan jaga jarak aman (Physical Distancing) agar tercapai kemaslahatan bersama, serta Memperbanyak Doa dan Amaliyah sebagaimana instruksi PBNU serta memohon pertolongan kepada Allah SWT semoga pandemi Covid-19 bisa diatasi dengan segera