NU PONOROGO

Official Website PCNU Ponorogo

IKLAN

Teks Khutbah Jumat Singkat Terbaru Basa Jawa – SUPADOS PASA NGASILAKEN TAKWA

Teks Khutbah Jumat Singkat Terbaru Basa Jawa - SUPADOS PASA NGASILAKEN TAKWA

Teks Khutbah Jumat Singkat Terbaru Basa Jawa – SUPADOS PASA NGASILAKEN TAKWA

اَلْحَمْدُ لِلّهِ الَّذِي جَعَلَ لِمَنْ صَامَ رَمَضَانَ وَقَامَهُ عَظِيْمَ الْاُجُوْرِ وَفَتَحَ فِيْهِ اَبْوَابَ الْخَيْرَاتِ. لآاِلهَ اِلَّا هُوَ جَعَلَ صِيَامَهُ تَهْذِيْبًا لِلنُّفُوْسِ وَرِفْقًا بِفُقَرَآءِ الْمُؤْمِنِيْنَ ، اَسْتَغْفِرُهُ وَاَشْهَدُ اَنْ لآ اِلهَ اِلَّا اللهُ الَّذِيْ بَلَّغَ مَنِ اعْتَمَدَ عَلَيْهِ مَرَامَهُ ، وَاَشْهَدُ اَنَّ مُحَمَّدًا رَسُوْلُ اللهِ هَجَرَ فِى الطَّاعَةِ مَنَامَهُ . اَللهُمَّ صَلِّ وَسَلِّمْ عَلى سّيِّدِنَا مُحَمَّدٍ وَعَلى الِهِ وَصَحْبِهِ ذَوِى الْفَضْلِ الْمُبِيْنِ.

اَمَّابَعْدُ : فَيَآ اَيُّهَا الْمُؤْمِنُوْنَ !

اِتَّقُوا اللهَ وَعَلَيْكُمْ بِالْخَيْرَاتِ شَهْرَ رَمَضَانَ. قَالَ اللهُ تَعَالى : بِسْمِ اللهِ الرَّحْمنِ الرَّحِيْمِ. يَآاَيُّهَا الَّذِيْنَ آمَنُوْا  كُتِبَ عَلَيْكُمُ الصِّيَامُ كَمَا كُتِبَ عَلَى الَّذِيْنَ مِنْ قَبْلِكُمْ لَعَّلَكُمْ تَتَّقُوْنَ. صَدَقَ اللهُ الْعَظِيْمُ

Kaum muslimin sidang Jum’ah Rahimakumullah

Wonten ing wekdal ingkang sae menika, mangga ngindhaaken (meningkatlan)  Taqwa kula lan Panjenengan sedaya dhumateng Allah SWT, kanthi nglampahi sedaya dhawuhipun lan nebihi sedaya awisan-awisanipun, sebab boten wonten sangu ingkang langkung utami kangge sowan wonten ing Ngarsanipun Allah SWT, kejawi Taqwa.

Kaum muslimin sidang Jum’ah rahimakumullah

Salah satunggalipun cara kangge ngindhaaken Taqwa ing menika nglampahi siyam Ramadhan. Jumbuh kaliyan dhawuhipun Allah SWT wonten surat Al-Baqarah ayat 183.

يٰٓاَيُّهَا الَّذِيْنَ اٰمَنُوْا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِيْنَ مِنْ قَبْلِكُمْ لَعَلَّكُمْ تَتَّقُوْنَۙ

Artinya: “He wong-wong kang padha Iman, diwajibake tumrap sira pasa (Ramadhan) kayadene kang wus diwajibake marang wong-wong sadurungira, supara sira kalebu dadi wong kang Taqwa”

Supados ngasilaken wohing Taqwa, sakboten-botenipun kedah nglampahi Kalih perkawis. Kanthi Kalih perkawis kalawau, insyaallah, tiyang Islam boten badhe ketungkul lan dipun repotaken (sibukaken) “perdebatan” lailatul qadar. Tiyang Islam ingkang nindaaken siyam, nanging taksih udur-uduran (berdebat) babagan lailtaul qadar adatipun kalebet tiyang ingkang kirang nindaaken kalih bab kalawau. Mugi andadosna kauningan, miturut Imam Al-Ghazali lan Syaikh abu Hasan al Syadzili adhedhasar “pengalaman” panjenenganipun kekalih, menawi Siyam dipun wiwiti dinten Selasa (Kados ingkang kula lan Panjenengan lampahi taun menika), mila lailatul Qadar badhe dhumawah wonten ing malem kaping 27 Ramadhan.

Menapa kalih bab kasebat? Lan saking pundi dhasaripun pamanggih bab-bab menika. Hambokbilih kula lan Panjenengan dereng saget nyekapi Kalih bab kasebat; sumangga sareng-sareng dipun lampahi, mumpung Ramadhan dereng telas, dipun dandosi sesarengan. Menapa kalih bab kasebat? Kekalihipun Iman lan Mawas dhiri (introspeksi). Kekalihipun kapendhet saking hadis Rasulullah SAW.

مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ

Artinya: Sing sapa wonge pasa lan didhasari iman lan mawas dhiri, mangka dosane kang kapungkur bakal dilebur (dening Allah SWT) HR. Bukhari no. 38 lan Muslim no. 760

Sepisan, Iman menika pangejowantahan satunggaling “kesadaran” ing Tigang bab, inggih menika akal, ati lan tumindak. Menika ateges bilih siyam ingkang katindaaken kanthi dhasar iman, inggih siyam ingkang dipun sadari, katindaaken kanthi sadar, dipun pahami, dipun yakini, boten peksan, boten ethok-ethok lan boten karana pengin dialembana, murih diregani, dikurmati utawi pamrih sanes-sanesipun. Pramila, siyam utawi pasa menika urusanipun kaliyan Allah SWT. Allah ingkang badhe paring piwales, Allah SWT ingkang badhe mbiji, menapa siyam kula lan Panjenengan didhasari kanthi iman menapa boten.

Angka Kalih, mawas dhiri (instropeksi).  Mawas dhiri utawi introspeksi pribadinipun piyambak kawontenan jaman kapungkur, jaman rumiyin. Menapa ingkang dipun koreksi? Ingkang dipun koreksi inggih kalepatan, dosa-dosa ingkang sampun katindaaken, kemaksiatan ingkang sampun katindaaken, kalepetan-kalepatan ingkang sampun kalampahan. Kangge menapa? Supados saget didandosi sabibaripun Ramadhan. Kanthi “semangat” menika, tiyang Islam kasebat boten naming begja (robih), ananging badhe dados tiyang ingkang putih resik kados denen jabang bayi ingkang nembe kalairaken.

Kanthi iman lan mawasdhiri (introspeksi), tiyang Islam ingkang nindaaken siyam badhe ngibadah kanthi sregep, tekun lan tumemen ing wulan Ramadhan, nindaaken sunnah-sunnah siyam, nebihi sedaya ingkang mbatalaken siyam, sarta tawadhu’ ing sangajengipun tiyang sanes, tanda-tanda menika ingkang sayektosipun “minangka tandha langsung” ing pribadi sawijining tiyang Islamingkang saestu pikantuk lailatul qadar ugi pikantuk derajat takwa. Mugi kula lan Panjenengan sedaya kalebet golongan tiyang-tiyang menika.  Amiin ya rabbal ‘alamin

جَعَلَ اللهُ وَاِيَّاكُمْ مِنْ الْفَائِزِيْنَ الآمِنِيْنَ وَاَدْخَلَنَا وَاِيَّاكُمْ فِى زُمْرَةِ الْمُؤْمِنِيْنَ وَالْمُتَّقِيْنَ.

اَعُوْذُ بِاللهِ مِنَ الشَّيْطَانِ الرَّجِيْمِ. وَمَنْ يَشْكُرْ فَاِنَّمَا يَشْكُرُ لِنَفْسِهِ ، وَمَنْ كَفَرَ فَاِنَّ اللهَ غَنِيٌّ عَنِ الْعَالَمِيْنَ. وَقُلْ رَبِّ اغْفِرْ وَارْحَمْ وَاَنْتَ خَيْرُ الرَّاحِمِيْنَ.

اَلْخُطْبَةُ الُثَّانِيَةُ     

اَلْحَمْدُ لِلّهِ ضَامِنِ الْفَلَاحِ لِمَنْ تَمَسَّكَ بِالشَّرْعِ وَوَقَفَ عِنْدَ حُدُوْدِهِ. اَللّهُمَّ صَلِّ وَسَلِّمْ عَلى سَيِّدِنَا مُحَمَّدٍ وَعَلى الِهِ وَاَصْحَابِهِ وَسَلِّم تَسْلِمًا كَثِيْرًا.

اَمَّابَعْدُ : فَيَااَيُّهَا النَّاسُ !

اِتَّقُوا اللهَ وَاَبْدِلُوا الْفَسَادَ بِا لرَّشَادِ. وَاَصْلِحُوا شُؤُوْنَكُمْ وَقُوْمُوْا عَلى قَدَمِ السَّدَادِ. فَاِنْ تَوَلَّيْتُمْ فَاعْلَمُوْا اَنَّما عَلى رَسُوْلِنَا الْبَلَاغُ الْمُبِيْنُ. اللّهُمَّ صَلِّ وَسَلِّمْ عَلى سَيِّدِنَا مُحَمَّدٍ وَعَلى آلِهِ وَصَحْبِهِ وَالتَّابِعِيْنَ وَارْضَ عَنَّا مَعَهُمْ بِرَحْمَتِكَ يَااَرْحَمَ الرَّحِمِيْنَ.

اللّهُمَ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِينَ وَالْمُسْلِمَاتِ اَلْاَحْيَاءِ مِنْهُمْ وَالْاَمْوَاتِ وَارْفَعْ لَهُمُ الدَّرَجَاتِ وَضَعِّفْ لَهُمُ الْحَسَنَاتِ وَكَفِّرْ عَنْهُمُ السَّيِّئَاتِ وَبَلِّغْ جَمِيْعَ الْمُسْلِمِيْنَ مِنْ خَيْرَيِ الدَّارَيْنِ مَا يُؤَمِّلُوْنَ وَانْشُرْ وَافِرَ اِحْسَانِكَ عَلٰى بَلْدَتِنَا هذِهِ وَسَا ئِرِ بِلَادِ الْاِسْلَامِ.

رَبَّنَا اغْفِرْلَنَا وَلِاِخْوَانِنَا الَّذِيْنَ سَبَقُوْنَا بِالْاِيْمَانِ وَلَا تَجْعَلْ فِى قُلُوْبِنَا غِلًّا لِلَّذِيْنَ امَنُوْا رَبَّنَا اِنَّكَ رَؤُوفٌ رَحِيْمٌ.

اِنَّ اللهَ يَأْمُرُ بِالْعَدْلِ وَالْاِحْسَانِ وَاِيْتَاءِ ذِى الْقُرْبى وَيَنْهى عَنِ الْفَخْشآءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرْنَ. وَاذْكُرُوا اللهَ الْعَظِيْمَ يَذْكُرْكُمْ وَاشْكُرُوْهُ عَلى نِعَمِهِ يَزِدْكُمْ وَاسْأَلُوْهُ مِنْ فَضْلِهِ يُعْطِكُمْ وَلَذِكْرُ اللهِ اَكْبَرُ. وَاللهُ يَعْلَمُ مَا تَصْنَعُوْنَ.

Dr Iswahyudi
Ketua Aswaja Center NU Ponorogo

Informasi terkait:

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Pengurus Cabang Nahdlatul Ulama PONOROGO mengimbau kepada Nahdliyin untuk senantiasa Menjaga Kesehatan, Mematuhi Instruksi, Himbauan, dan Protokol yang ditetapkan oleh Pemerintah dalam menghadapi pandemi Covid-19, termasuk tidak keluar rumah dan jaga jarak aman (Physical Distancing) agar tercapai kemaslahatan bersama, serta Memperbanyak Doa dan Amaliyah sebagaimana instruksi PBNU serta memohon pertolongan kepada Allah SWT semoga pandemi Covid-19 bisa diatasi dengan segera